ଯାଜପୁର : କଳ୍ପତରୁ ଦାସ ନ୍ୟାସନାଲ ଫାଉସେନ ତରଫରୁ ଏବଂ ଧର୍ମଶାଳା ଗାର୍ଲସ ୱିଙ୍ଗ୍ ପକ୍ଷରୁ ଆୟୋଜିତ ରଜ କୁଇନ ୨୦୨୨ର ମେଗା ଅଡିସନର ଶ୍ରେଷ୍ଠ ୫୦ ପ୍ରତିଯୋଗୀମାନଙ୍କୁ ସମ୍ବର୍ଦ୍ଧିତ କରାଯାଇଛି। ଗାର୍ଲସ ୱିଙ୍ଗର ସଭାନେତ୍ରୀ କ୍ଷୀରାବ୍ଧି ତନୟା ମଲ୍ଲିକଙ୍କ ନେତୃତ୍ୱରେ କଳ୍ପତରୁ ଦାସ ଷ୍ଟାଡିୟମରେ ଆୟୋଜିତ ଏହି କାର୍ଯ୍ୟକ୍ରମରେ ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟ ଏବଂ ରସୁଲପୁର ବ୍ଲକ୍ ଅଧ୍ୟକ୍ଷ ଅରୁଣ କୁମାର ରାଉତ ଯୋଗଦେଇଥିଲେ।
ଧର୍ମଶାଳା ରଜ କୁଇନ ୨୦୨୨ ମେଗା ଅଡିସନରେ ଅଂଶଗ୍ରହଣ କରିଥିବା ଶ୍ରେଷ୍ଠ ୫୦ ପ୍ରତିଯୋଗୀଙ୍କୁ କଳ୍ପତରୁ ଦାସ ନ୍ୟାସନାଲ ଫାଉସେନ ତରଫରୁ ମାନପତ୍ର ଏବଂ ଅର୍ଥରାଶି ପ୍ରଦାନ କରାଯାଇଥିଲା। ସମ୍ବର୍ଦ୍ଧିତ କାର୍ଯ୍ୟକ୍ରମ ଶେଷ ହେବାପରେ ନୃତ୍ୟରେ ଶ୍ରେଷ୍ଠ ୫୦ରେ ଥିବା ୩୫ଜଣ ପ୍ରତିଯୋଗୀଙ୍କର ଅଡିସନ୍ ଆରମ୍ଭ ହୋଇଥିଲା। ଉକ୍ତ ମେଗା ଅଡିସନ ରାଉଣ୍ଡରେ ମଧୁସ୍ମିତା ନାୟକ, ସ୍ୱାଗତିକା ମହାନ୍ତି ଏବଂ ବିଦିଶା ପ୍ରିୟଦର୍ଶିନୀ ବିଚାରକ ଭାବେ ଯୋଗଦେଇଥିଲେ। ଏହି କାର୍ଯ୍ୟକ୍ରମରେ ଯୁବ ବିଜେଡି ସଭାପତି କ୍ଷିତିଶ କୁମାର ନାୟକ, ୧୩ନଂ ଜୋନ ଜିଲ୍ଲା ପରିଷଦ ସଭ୍ୟା ସ୍ମୃତିରେଖା ବେହେରା, ରାଇଛନ୍ଦା ସମିତିସଭ୍ୟ ଅନିତା ବେହେରା ଏବଂ ଶ୍ରୀବନ୍ତପୁର ସମିତିସଭ୍ୟ ସୌଦାମିନୀ ସାମଲ ଏବଂ ଧର୍ମଶାଳା ବିଜେଡି ଗାର୍ଲସ ୱିଙ୍ଗର ସମସ୍ତ କର୍ମର୍କାମାନେ ଉପସ୍ଥିତ ରହି ସହଯୋଗ କରିଥିଲେ।
Comments are closed.