ଖାର୍ତୁମ: ସୁଡାନରେ ମିଳିତ ଜାତିସଂଘର ଶାନ୍ତି ମିଶନର ଏକ ଅଂଶ ଭାବରେ ଭାରତୀୟ ଯବାନମାନେ ଚୀନ୍ ସୈନିକଙ୍କ ବିରୋଧରେ ଏକ ରଶି ଭିଡ଼ା ପ୍ରତିଯୋଗିତାରେ ବିଜୟ ହାସଲ କରିଛନ୍ତି। ସେନା ଅଧିକାରୀମାନେ ଏନେଇ ସୂଚନା ଦେଇଛନ୍ତି। ଏହି ପ୍ରତିଯୋଗିତାର ଭାଇରାଲ ହେଉଥିବା ଭିଡିଓରେ ଉଭୟ ଦେଶର ସୈନିକମାନଙ୍କ ମଧ୍ୟରେ ପ୍ରତିଯୋଗୀମୂଳକ ମନୋଭାବ ଦେଖିବାକୁ ମିଳିଛି। ଶାରୀରିକ କୌଶଳ ଏବଂ ଦଳଗତ କାର୍ଯ୍ୟ ସହ ଭାରତୀୟ ସୈନିକମାନେ ନିଜ ଶକ୍ତି ଓ ଦୃଢ ସଂକଳ୍ପ ପ୍ରଦର୍ଶନ କରି ଚୀନ୍ ବିପକ୍ଷରେ ଏକ ଉଲ୍ଲେଖନୀୟ ବିଜୟ ହାସଲ କରିଛନ୍ତି। ଭାରତୀୟ ସେନା ଅଧିକାରୀଙ୍କ ଦ୍ୱାରା ଶେୟାର କରାଯାଇଥିବା ଏହି ଭିଡିଓ ସମସ୍ତ ୟୁଜରଙ୍କ ଦୃଷ୍ଟି ଆକର୍ଷଣ କରିଛି।
#WATCH | Indian troops won a Tug of War that took place between them and Chinese troops during deployment in Sudan, Africa under a UN Peacekeeping mission: Army officials
(Viral video confirmed by Indian Army officials) pic.twitter.com/EpnGKURPa3
— ANI (@ANI) May 28, 2024
ସୂଚନାଯୋଗ୍ୟ, ସୁଡାନରେ ମିଳିତ ଜାତିସଂଘ ମିଶନ(ୟୁଏନଏମଆଇଏସ) ମିଳିତ ଜାତିସଂଘ ସୁରକ୍ଷା ପରିଷଦ ଦ୍ବାରା ୨୦୦୫ ମସିହା ମାର୍ଚ୍ଚ ୨୪ ତାରିଖରେ ପ୍ରତିଷ୍ଠିତ ହୋଇଥିଲା। ସୁଡାନ ସରକାର ଏବଂ ସୁଡାନ ପିପୁଲ୍ସ ଲିବରେସନ ମୁଭମେଣ୍ଟ ମଧ୍ୟରେ ବ୍ୟାପକ ଶାନ୍ତି ଚୁକ୍ତିନାମା ସ୍ୱାକ୍ଷରିତ ହେବାପରେ ଏହା ପ୍ରତିଷ୍ଠା କରାଯାଇଥିଲା। ୟୁଏନଏମଆଇଏସର ମୂଳ ଉଦ୍ଦେଶ୍ୟ ହେଉଛି, ଶାନ୍ତି ଚୁକ୍ତି ପାଳନ କରିବା, ମାନବିକ ସହାୟତା, ସୁରକ୍ଷା, ମାନବାଧିକାରକୁ ପ୍ରୋତ୍ସାହିତ କରିବା।
