ଧର୍ମଶାଳା : ଆସନ୍ତାକାଲି(ଗୁରୁବାର) ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ପ୍ରଥମ ମ୍ୟାଚ ଖେଳାଯିବ। ଏହି ମ୍ୟାଚ୍ ଅପରାହ୍ଣ ୧.୩୦ରେ ହିମାଚଳ ପ୍ରଦେଶର ଧର୍ମଶାଳାରେ ଖେଳାଯିବ। ନ୍ୟୁଜିଲ୍ୟାଣ୍ଡଠାରୁ ଉଭୟ ଦିନିକିଆ ଓ ଟେଷ୍ଟ ସିରିଜ୍ରେ ପରାସ୍ତ ହେବାପରେ ବିରାଟ ବାହୀନ ଆସନ୍ତାକାଲି ମ୍ୟାଚ ଜିତି ବିଜୟ ଅଭିଯାନରୁ ସିରିଜ ଆରମ୍ଭ କରିବାକୁ ଚାହିଁବ।
ଏପର୍ଯ୍ୟନ୍ତ ଉଭୟ ଦଳ ମଧ୍ୟରେ ଖେଳାଯାଇଥିବା ମ୍ୟାଚ୍
ମୋଟ ମ୍ୟାଚ୍: ୮୪ଟି
ଭାରତ ବିଜୟୀ: ୩୫ଟି
ଦକ୍ଷିଣ ଆଫ୍ରିକା ବିଜୟୀ: ୪୬ଟି
ଟାଇ:୦୩
ସେହିଭଳି ଉଭୟ ଦଳ ଭାରତରେ ଏପର୍ଯ୍ୟନ୍ତ ୫୧ଟି ମ୍ୟାଚ୍ ଖେଳିଛନ୍ତି। ଯେଉଁଥିରୁ ଭାରତ ୨୭ ଟି ଏବଂ ଦକ୍ଷିଣ ଆଫ୍ରିକା ୨୧ ଟି ମ୍ୟାଚ୍ ଜିତିଛି। ତିନୋଟି ମ୍ୟାଚ୍ ଟାଇ ହୋଇଛି। ଅନ୍ୟପକ୍ଷରେ ପ୍ରଥମ ଥର ପାଇଁ ଧର୍ମଶାଳାରେ ଦିନିକିଆରେ ଉଭୟ ଦଳ ମୁହାଁମୁହିଁ ହେବେ। ଏହି ଗ୍ରାଉଣ୍ଡରେ ଏପର୍ଯ୍ୟନ୍ତ ଭାରତୀୟ ଦଳ ଚାରୋଟି ମ୍ୟାଚ ଖେଳିଛି। ଯେଉଁଥିରୁ ଦୁଇଟିରେ ବିଜୟ ଏବଂ ଦୁଇଟିରେ ପରାଜୟ ବରଣ କରିଛି।
ଭାରତୀୟ ଦଳ
ବିରାଟ କୋହଲି (ଅଧିନାୟକ), ଶିଖର ଧାୱନ, ପୃଥ୍ବୀ ଶ, ଲୋକେଶ ରାହୁଲ, ମନୀଷ ପାଣ୍ଡେ, ଶ୍ରେୟସ ଆୟର, ରିଷଭ ପନ୍ତ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଭୁବନେଶ୍ୱର କୁମାର, ଯୁଜବେନ୍ଦ୍ର ଚହଲ, ଜସପ୍ରୀତ ବୁମ୍ରା, କୂଳଦୀପ ଯାଦବ
ଦକ୍ଷିଣ ଆଫ୍ରିକା ଦଳ
କ୍ୱିଣ୍ଟନ୍ ଡିକକ୍ (ଅଧିନାୟକ), ତେମ୍ବା ବାବୁମା, ରେସି ଭାନ୍ ଡେର୍ ଡୁସେନ୍, ଫାଫ୍ ଡୁପ୍ଲେସିସ୍, କାଇଲ୍ ବିରିନେ, ହେନ୍ରିକ୍ କ୍ଲାସେନ୍, ଜେନମାନ ମଲାନ, ଡେଭିଡ ମିଲର, ଜାନ-ଜାନ ସ୍ମଟ୍ସ, ଆଣ୍ଡିଲେ ଫେହଲୁକବାୟୋ, ଲୁଙ୍ଗି ନଗିଡି, ଲୁଥୋ ସିପାମଲା, ଏନ୍ରିକ୍ ନର୍ଟଜେ, ବୁରେନ୍ ହେଣ୍ଡ୍ରିକ୍ସ, ଜର୍ଜ ଲିଣ୍ଡେ ଏବଂ କେଶବ ମହାରାଜ।
