ୱେଭ୍ସ ୨୦୨୫ରେ ଅଂଶଗ୍ରହଣ କରିବାକୁ ଚିଲିକୁ ନିମନ୍ତ୍ରଣ କଲା ଭାରତ

ଡେସ୍କ: ମେ’ ପହିଲାରୁ ୪ ତାରିଖ ପର୍ଯ୍ୟନ୍ତ ମୁମ୍ବାଇରେ ହେବାକୁ ଥିବା ୱେଭ୍ସ ୨୦୨୫ ପାଇଁ ଭାରତ ଚିଲିକୁ ନିମନ୍ତ୍ରଣ କରିଛି। ସୂଚନା ଓ ପ୍ରସାରଣ ରାଷ୍ଟ୍ରମନ୍ତ୍ରୀ ଡ. ଏଲ୍ ମୁରୁଗାନ୍ ଗତକାଲି ଚିଲିର ସଂସ୍କୃତି, କଳା ଓ ଐତିହ୍ୟ ମନ୍ତ୍ରୀ କାରୋଲିନା ଆରେଡୋଣ୍ଡୋଙ୍କୁ ସାକ୍ଷାତ କରି ୱେଭ୍ସ ୨୦୨୫ ପାଇଁ ନିମନ୍ତ୍ରଣ କରିଥିଲେ ଏବଂ ଶ୍ରୀମତୀ ଆରେଡୋଣ୍ଡୋଙ୍କୁ ଭାରତୀୟ ମୂର୍ତ୍ତିଗୁଡ଼ିକୁ ଚିତ୍ରିତ କରୁଥିବା ଏକ ଚିତ୍ର ପ୍ରଦାନ କରିଥିଲେ। ଉଭୟ ମନ୍ତ୍ରୀ ଭାରତ-ଚିଲି ସାଂସ୍କୃତିକ ସହଯୋଗକୁ ସୁଦୃଢ଼ କରିବା, କଳା ଏବଂ ଐତିହ୍ୟ କ୍ଷେତ୍ରରେ ସହଯୋଗ ବୃଦ୍ଧି କରିବା ଏବଂ ଦ୍ୱିପାକ୍ଷିକ ସମ୍ପର୍କକୁ ଆହୁରି ଗଭୀର କରିବା ଉପରେ ଆଲୋଚନା କରିଥିଲେ।

ବୈଠକରେ ଚିଲି ଦୂତାବାସର ତୃତୀୟ ସଚିବ ମାର୍ଟିନ ଗୋର୍ମାଜଙ୍କ ସମେତ ବୈଦେଶିକ ବ୍ୟାପାର ମନ୍ତ୍ରଣାଳୟର ଉପସଚିବ ଲକ୍ଷ୍ମୀ ଚନ୍ଦ୍ରା ଏବଂ ସୂଚନା ଓ ପ୍ରସାରଣ ମନ୍ତ୍ରଣାଳୟର ଯୁଗ୍ମ ସଚିବ (ଚଳଚ୍ଚିତ୍ର) ଡ. ଅଜୟ ନାଗଭୂଷଣ ଏମଏନଙ୍କ ସମେତ ଚିଲି ପ୍ରତିନିଧି ମଣ୍ଡଳର ସଦସ୍ୟମାନେ ଉପସ୍ଥିତ ଥିଲେ।