ସରକାରଙ୍କ ନିର୍ଦ୍ଦେଶ ପରେ ଅଟକିଲା ଆଲ୍ଲାବାଦିଆଙ୍କ ଅଭିନୀତ ‘India Got Latent’ ଏପିସୋଡ୍

ଡେସ୍କ: ୟୁଟ୍ୟୁବରେ ରଣବୀର ଆଲ୍ଲାବାଦିଆଙ୍କ ଅଶ୍ଳୀଳ ମନ୍ତବ୍ୟ ଥିବା ‘India Got Latent’ର ଏକ ଅଧ୍ୟାୟକୁ କେନ୍ଦ୍ର ସରକାରଙ୍କ ନିର୍ଦ୍ଦେଶ କ୍ରମେ ବ୍ଲକ୍ କରାଯାଇଛି। ସୂଚନା ଓ ପ୍ରସାରଣ ମନ୍ତ୍ରଣାଳୟର ବରିଷ୍ଠ ପରାମର୍ଶଦାତା କାଞ୍ଚନ ଗୁପ୍ତା ଏକ ପୋଷ୍ଟରେ କହିଛନ୍ତି, ରଣବୀର ଆଲ୍ଲାବାଦିଆଙ୍କ ଅଶ୍ଳୀଳ ଏବଂ ବିକୃତ ମନ୍ତବ୍ୟ ସହ @YouTube ‘India Has Latent’ ଏପିସୋଡକୁ ଭାରତ ସରକାରଙ୍କ ନିର୍ଦ୍ଦେଶ ପରେ ଅବରୋଧ କରାଯାଇଛି।

ହାସ୍ୟ ଅଭିନେତା ସାମୟ ରାଇନାଙ୍କ ୟୁଟ୍ୟୁବ୍ ରିଆଲିଟି ସୋ’ ‘India Got Latent’ରେ ପିତାମାତା ଓ ଯୌନ ସମ୍ପର୍କକୁ ନେଇ ଅଶ୍ଳୀଳ ମନ୍ତବ୍ୟ ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ଆଲ୍ଲାବାଦିଆଙ୍କୁ ସବୁ ମହଲରୁ ସମାଲୋଚନାର ସମ୍ମୁଖୀନ ହେବାକୁ ପଡ଼ିଥିଲା।

ବିୟର ବାଇସେପ୍ସ ନାମରେ ଜଣାଶୁଣା ଏହି ୟୁଟ୍ୟୁବର ପରବର୍ତ୍ତୀ ସମୟରେ ତ୍ରୁଟି ପାଇଁ କ୍ଷମା ପ୍ରାର୍ଥନା କରିବା ସହ ଏହା ମଧ୍ୟ କହିଛନ୍ତି, ସେ ସୋ’ର ନିର୍ମାତାଙ୍କୁ ବିବାଦୀୟ ଅଂଶ ହଟାଇବାକୁ କହିଥିଲେ।