ସାଧାରଣତ ଶୀତ ଦିନେ ଅଧିକାଂଶ ଲୋକମାନେ ଅଧିକ ଅସୁସ୍ଥ ହୋଇପଡନ୍ତି। ରୋଗ ପ୍ରତିରୋଧକ ଶକ୍ତି ଦୁର୍ବଳ ହେବା କାରଣରୁ ପ୍ରବଳ ଥଣ୍ଡା, କାଶ ଓ ଜ୍ୱର ଲାଗି ରହିଥାଏ। ଯଦିଓ ଏହା କିଛି ଦିନ ମଧ୍ୟରେ ଭଲ ହୋଇଯାଇଥାଏ, ହେଲେ ଯେଉଁମାନଙ୍କୁ ବାରମ୍ବାର ଥଣ୍ଡା, କାଶ ଲାଗି ରହିଥାଏ ସେମାନେ କ୍ରମାଗତ ଭାବେ ଅସୁସ୍ଥ ଅନୁଭବ କରିଥାନ୍ତି। ଶରୀର ସୁସ୍ଥ ହେବାକୁ ଅଧିକ ସମୟ ଲାଗୁଥିବାରୁ ରୋଗ ପ୍ରତିରୋଧକ ଶକ୍ତି ମଧ୍ୟ କମିଯାଏ। ତେବେ ରୋଗ ପ୍ରତିରୋଧକ ଶକ୍ତି କେଉଁ ସବୁ କାରଣ ପାଇଁ କମିଥାଏ ଚାଲନ୍ତୁ ଜାଣିବା।
ଯଥେଷ୍ଟ ନିଦ ନହେବା
ଉତ୍ତମ ସ୍ୱାସ୍ଥ୍ୟ ପାଇଁ ପ୍ରତ୍ୟେକ ଦିନ ସଠିକ୍ ନିଦ୍ରାରେ ଶୋଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଶୋଇବା ସମୟରେ ଆପଣଙ୍କ ଶରୀର ପ୍ରୋଟିନ୍ ଛାଡିଥାଏ, ଯାହା ସାଇଟୋକାଇନ୍ ନାମକ ପ୍ରତିରକ୍ଷା ପ୍ରଣାଳୀକୁ ସାହାଯ୍ୟ କରିଥାଏ। ପର୍ଯ୍ୟାପ୍ତ ନିଦ ନହେବା କାରଣରୁ ଶରୀରରେ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଯାଏ। ଅନୁସନ୍ଧାନ ଅନୁଯାୟୀ କମ୍ ନିଦ ହେବା ଆପଣଙ୍କ ଶରୀରକୁ ଜୀବାଣୁ ଏବଂ ଜୀବାଣୁ ପ୍ରତି ସମ୍ବେନଶୀଳ କରିଥାଏ। ଫଳରେ ଏଥିରୁ ମୁକ୍ତି ପାଇବାକୁ ବହୁତ ସମୟ ଲାଗିଥାଏ।
ମାନସିକ ଚାପରେ ରହିବା
ଯଦି ଆପଣ ଚିନ୍ତାଗ୍ରସ୍ତ ଅଛନ୍ତି ତେବେ ମାତ୍ର ୩୦ ମିନିଟ୍ ମଧ୍ୟରେ ଆପଣଙ୍କ ଶରୀରର ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଯାଏ। ତେବେ କ୍ରମାଗତ ଭାବେ ମାନସିକ ଚାପରେ ରହିବା କାରଣରୁ ଲୋକମାନେ ଚିନ୍ତାରେ ପଡିଯାଆନ୍ତି ଫଳରେ ରୋଗ ପ୍ରତିରୋଧକ ଶକ୍ତି କମ୍ ରହିଥାଏ। ତେଣୁ ଯଥାସମ୍ଭବ କମ୍ ଚିନ୍ତା କରି ସବୁବେଳେ ଖୁସି ରହିବାକୁ ଚେଷ୍ଟା କରନ୍ତୁ।
ଭିଟାମିନ୍-ଡି ଅଭାବ
ଶୀତ ଋତୁରେ ସୂର୍ଯ୍ୟଙ୍କ ପ୍ରଭାବ କମ ଥିବା କାରଣରୁ ଭିଟାମିନ୍ ଡି ପାଇବା କଷ୍ଟସାଧ୍ୟ ହୋଇପାରେ ହେଲେ ଅସମ୍ଭବ ନୁହେଁ। ଏକ ରିପୋର୍ଟ ଅନୁଯାୟୀ ଶରୀରରେ ଭିଟାମିନ୍ ଡି ର ଅଭାବ କେବଳ ରୋଗ ପ୍ରତିରୋଧକ ଶକ୍ତି ଉପରେ ପ୍ରଭାବ ପକାଇବ ନାହିଁ ବରଂ ଏହା ଶରୀରକୁ ଦୁର୍ବଳ କରିଥାଏ। ଭିଟାମିନ୍-ଡି ପାଇବା ପାଇଁ ସୂର୍ଯ୍ୟକିରଣର ସଂସ୍ପର୍ଶରେ ଆସିବା ଏକମାତ୍ର ଉପାୟ ନୁହେଁ। ଏହା ବ୍ୟତୀତ ଆପଣ ଡାଲି ଜାତୀୟ ଖାଦ୍ୟ, ସାର୍ଡିନ୍, ଲୁଣି ମାଛ, ଅଣ୍ଡା, ଏବଂ ରେଡ଼ ମିଟ ଇତ୍ୟାଦି ଖାଇବା ଦ୍ୱାରା ଭିଟାମିନ୍ ଡି ମିଳିଥାଏ।
ଫଳ ଓ ପନିପରିବା ନ ଖାଇବା
ଫଳ ଏବଂ ପନିପରିବା ଶରୀରକୁ ସଂକ୍ରମଣରୁ ରକ୍ଷା କରିବା ସହିତ ଧଳା ରକ୍ତ କଣିକା ସୃଷ୍ଟି କରିବାରେ ସାହାଯ୍ୟ କରିଥାଏ। ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ଶରୀରରେ ଗୋଟିଏ କିମ୍ବା ଅଧିକ ପୃଷ୍ଟିକର ଖାଦ୍ୟର ଅଭାବ ରୋଗ ପ୍ରତିରୋଧକ କୋଷ ଏବଂ ଆଣ୍ଟିବଡି ଉତ୍ପାଦନରେ ବାଧା ସୃଷ୍ଟି କରିଥାଏ। ଫଳ ଏବଂ ପନିପରିବା ଶରୀର ପାଇଁ ପୃଷ୍ଟିକର। ହେଲେ ଅଧିକାଂଶ ଲୋକେ ପନିପରିବାକୁ ଖାଇବାକୁ ଭଲ ପାଉନଥିବାରୁ ଶରୀର ଅସୁସ୍ଥ ହେବାର ଏକ ପ୍ରକାର କାରଣ ହୋଇଥାଏ।
ବ୍ୟାୟାମ ନକରିବା
ଶୀତ ଦିନରେ ଅଧିକାଂଶ ଲୋକେ ସକାଳୁ ଅଧିକ ସମୟ ଶୋଇବାକୁ ଭଲ ପାଆନ୍ତି। ଘରେ ଅଧିକ ସମୟ ଆରାମ କରିବା ବ୍ୟତୀତ ଅନ୍ୟ କିଛି କରିବାକୁ ଇଚ୍ଛା କରନ୍ତିନାହିଁ। କିନ୍ତୁ ତଥ୍ୟ କହୁଛି ଯେ ଜଣେ ବ୍ୟକ୍ତି ଯଦି ସକାଳୁ ପ୍ରତ୍ୟେକ ଦିନ ବ୍ୟାୟାମ ନକରନ୍ତି ତେବେ ଶରୀରର ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇପାରେ। ପ୍ରତ୍ୟେକ ଦିନ ବ୍ୟାୟାମ କରିବା ଦ୍ୱାରା ଆପଣଙ୍କ ଶରୀରରେ ରକ୍ତ ସଞ୍ଚାଳନ ବଢିଥାଏ। ଯାହା ଶରୀରକୁ ଜୀବାଣୁ ଠାରୁ ଭଲ ଭାବରେ ରକ୍ଷା କରିବାରେ ସାହାଯ୍ୟ କରିଥାଏ।
Comments are closed.