ଆବଶ୍ୟକୀୟ ସାମଗ୍ରୀ: ଫ୍ରେସ୍ କ୍ରିମ୍-୨୫୦ ଗ୍ରାମ୍, କନଣ୍ଡେସ୍ ମିଲକ୍-୨୦୦ ଗ୍ରାମ୍, ବନଭିଟା ପାଉଡର -୧/୪ କପ୍, ଓରିଅ ବିସ୍କିଟ୍ ଏକ ଛୋଟ ପ୍ୟାକେଟ୍, ଭାନିଲା ଏସେନସ୍ ଅଧା ଚାମଚ
ପ୍ରସ୍ତୁତ ପ୍ରଣାଳୀ: ପ୍ରଥମେ ଓରିଅ ବିସ୍କିଟକୁ ଛୋଟ ଛୋଟ ଖଣ୍ଡ କରି ଗୁଣ୍ଡ କରି ଦିଅନ୍ତୁ । ଏକ ପାତ୍ର ନେଇ ସେଥିରେ ଫ୍ରେସ୍ କ୍ରିମ୍ ଢାଳନ୍ତୁ ଏବଂ ଏହାକୁ ହ୍ୟାଣ୍ଡ ମିକ୍ସିରେ ବା ଗ୍ରାଇଣ୍ଡରରେ ୮ରୁ ୧୦ ମିନିଟ୍ ଫେଣ୍ଟି ଦିଅନ୍ତୁ । ପରେ ସେଥିରେ କନଣ୍ଡେସ୍ ମିଲ୍କ, ଭାନିଲା ଏସେନସ୍ ଓ ବନଭିଟା ପାଉଡର ମିଶାଇ ଆଉ ଥରେ ଭଲକି ଫେଣ୍ଟି ଦିଅନ୍ତୁ । ସେଥିରେ ଚୁନା ଓରିଅ ବିସ୍କିଟ୍ ମିଶାଇ ଗୋଳାଇ ଦିଅନ୍ତୁ ।
ଏବେ ଏହି ବ୍ୟାଟରକୁ କେକ୍ ଟ୍ରେ ବା ଫ୍ୟାମିଲ ପ୍ୟାକ୍ ଆଇସକ୍ରିମ୍ ଡବା କିମ୍ବା କୌଣସି ପ୍ଲାଷ୍ଟିକ କଣ୍ଟେନର ବା ଡବାରେ ଢାଳି ଦିଅନ୍ତୁ । ବଳି ଥିବା ଓରିଅ ବିସ୍କିଟ୍ ଏକ ଛୋଟ ଖଣ୍ଡ ବା ଚୁନାକୁ ଏହି ବ୍ୟାଟର ଉପରେ ସଜାଇଲା ଭଳି ପକାଇ ଦିଅନ୍ତୁ । କଣ୍ଟେନର ବା ଡବା କ୍ଳିନ୍ ଫିଲ୍ମ ଜରି ବା ଯେକୌଣସି ଡବା ଖୋଳରେ ଟାଇଟ୍ କଭର କରି ଦିଅନ୍ତୁ । ଏୟାର୍ ଟାଇଟ୍ ହେବା ନିହାତି ଜରୁରୀ ଅଟେ ।
ଏହାକୁ ସେଟ୍ ହେବା ପାଇଁ ୧୦ରୁ ୧୨ ଘଣ୍ଟା ଫ୍ରିଜରେ ଛାଡି ଦିଅନ୍ତୁ । ୧୦ରୁ ୧୨ ଘଣ୍ଟା ପରେ ଫ୍ରିଜରୁ ଆଣି ଆଇସକ୍ରିମ୍ ବୋଲ ବା ଗିନାରେ ରଖନ୍ତୁ । ଆଇସକ୍ରିମ୍ ଉପରେ ବିସ୍କିଟ୍ ଗୁଣ୍ଡ ପକାଇ ଏବଂ ସାଇଟରେ ଏକ ବିସ୍କିଟ ରଖି ଥଣ୍ଡା ଥଣ୍ଡା ଖାଆନ୍ତୁ ।
