ନୂଆ ପ୍ରକାର ଖାଦ୍ୟକୁ ଆଜିକାଲି ଲୋକେ ‘ଫ୍ୟୁଜନ୍ ଫୁଡ୍’ ବୋଲି କହୁଛନ୍ତି। ଏଇ ଫ୍ୟୁଜନ୍ ଫୁଡ୍ ତାଲିକାରେ ଏଥରକ ‘ଆଇସକ୍ରିମ୍ ଦୋସା’ ସ୍ଥାନ ପାଇଛି। ଚେନ୍ନଇର ଜଣେ ରାସ୍ତାକଡ଼ ଦୋକାନୀ ଏହି ସ୍ବାଦର ଦୋସା ତିଆରି କରୁଥିବାବେଳେ ଗ୍ରାହକମାନେ ଭିଡିଓ କରି ସାମାଜିକ ଗଣମାଧ୍ୟମରେ ଅପଲୋଡ କରିଥିଲେ। ଦୋସା ଭିତରେ ଆଇସକ୍ରିମ୍କୁ ପୁର ଭଳି ଦେଇ ତିଆରି କରାଯାଉଛି। ହେଲେ ଏଇ ବିଚିତ୍ର ଦୋସାକୁ ଦେଖି ଗ୍ରାହକ ମହଲ ଅସନ୍ତୋଷ ପ୍ରକାଶ କରିଛନ୍ତି। ଦକ୍ଷିଣ ଭାରତୀୟଙ୍କ ଅତି ପ୍ରିୟ ଦୋସାକୁ ଫ୍ୟୁଜନ୍ ରୂପ ଦେବାର ଆବଶ୍ୟକତା ଆଦୌ ନାହିଁ ବୋଲି କେତେଜଣ କହିଛନ୍ତି। ଏହା ତା’ର ଆଳୁ ପୁର ସ୍ବାଦ ପାଇଁ ସମଗ୍ର ବିଶ୍ବରେ ଆଦର ପାଇଛି। ଆଇସକ୍ରିମ୍ ଦୋସାର ଦାମ୍ ୨୦୦ ଟଙ୍କାରୁ ଆରମ୍ଭ। ସବୁଠୁ ମହଙ୍ଗା ହେଉଛି ଷ୍ଟ୍ରବେରୀ ଆଇସକ୍ରିମ୍ ଦୋସା। ଏହାର ମୂଲ୍ୟ ୩୨୦ ଟଙ୍କା। ଯୁବପିଢ଼ି ଏହି ଦୋସା ଖାଇବାକୁ ବେଶୀ ଭିଡ଼ ଲଗାଉଥିବା ଦୋକାନୀ କହିଛନ୍ତି।
Comments are closed.