ନୂଆଦିଲ୍ଲୀ : ଆଇଏଏସ ଅଧିକାରୀରୁ ରାଜନେତା ସାଜିଥିବା ଶାହ ଫୈଜଲଙ୍କୁ ବୁଧବାର ଦିଲ୍ଲୀ ବିମାନ ବନ୍ଦରରେ ଅଟକ ରାଯାଇଥିଲା। ପରେ ତାଙ୍କୁ କାଶ୍ମୀର ଫେରାଇ ଦିଆଯାଇଥିବା ସୂଚନା ମିଳିଛି।
ସୂଚନା ଅନୁସାରେ ଫୈଜଲ ବୁଧବାର ଶ୍ରୀନଗରରୁ ଦିଲ୍ଲୀ ଆସୁଥିଲେ। ଦିଲ୍ଲୀ ବିମାନ ବନ୍ଦରରେ ସାର୍ବଜନୀନ ସୁରକ୍ଷା ଅଧିନିୟମରେ ତାଙ୍କୁ ଅଟକ ରଖାଯାଇଥିଲା। ପ୍ରକାଶ ଯେ ଶାହ ଫୈଜଲ କିଛି ଦିନ ତଳେ ନିଜ ରାଜନୈତିକ ଦଳ ଗଠନ କରିଥିଲେ। ସେ ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦକୁ ବିରୋଧ କରୁଛନ୍ତି ଓ ସାମାଜିକ ଗଣମାଧ୍ୟମରେ ନିଜର ପ୍ରତିବାଦ ଜଣାଇଛନ୍ତି। ୨୦୧୦ ଆଇଏଏସ ଟପ୍ପର ଶାହ ଫୈଜଲଙ୍କ ରାଜନୈତିକ ଦଳର ନାମ ହେଉଛି ଜାମ୍ମୁ ଆଣ୍ଡ କାଶ୍ମୀର ପିପୁଲ୍ସ ମୁଭମେଣ୍ଟ (ଜେକେପିଏମ)। ଏହି ପାର୍ଟିର ସ୍ଲୋଗାନ ହେଉଛି ‘ହବା ବଦଲେଗା’ ଅର୍ଥ ପବନ ବଦଳିବ। ୨୦୧୯ ମାର୍ଚ୍ଚ ୧୭ରେ ରାଜବାଗ ଅଞ୍ଚଳସ୍ଥିତ ଗିଣ୍ଡନ ପାର୍କରେ ଏକ ସମାରୋହର ଆୟୋଜନ କରି ସେ ନିଜ ରାଜନୈତିକ ଦଳର ନାମ ଓ କାର୍ଯ୍ୟପନ୍ଥା ଘୋଷଣା କରିଥିଲେ।
Comments are closed.