ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟ ଖେଳ ପଡ଼ିଆ ଠାରେ ଆଜି ଯୁବ ବିଜେଡ଼ି ପକ୍ଷରୁ ବିଜେଡ଼ି ନେତା ଏସ. ଧର୍ମରାଜ ରେଡ୍ଡୀଙ୍କ ନେତୃତ୍ୱରେ ଆଜି ହାଙ୍ଗାମା କ୍ରିକେଟ ଟୁର୍ନାମେଣ୍ଟ ଅନୁଷ୍ଠିତ ହୋଇଥିଲା। ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମୁଖ୍ୟମନ୍ତ୍ରୀଙ୍କ ରାଜନୈତିକ ସଚିବ ଡ଼ଃ. ଗୋପବନ୍ଧୁ ଦାଶ ଯୋଗ ଦେଇ ଏହାର ଉଦଘାଟନ କରିବା ସହ ଖେଳ କୁଦ ଦ୍ୱାରା ଶାରୀରିକ ଓ ମାନସିକ ଶୃଙ୍ଖଳିତ ଓ ଭାଇଚାରା ରହି ପାରିବ ବୋଲି କହିଥିଲେ। ସମ୍ମାନିତ ଅତିଥି ଭାବେ ସମାଜସେବୀ ଏ. ସନ୍ତୋଷ ପାତ୍ର, ଜିଲ୍ଲା ବିଜେଡ଼ି ଉପ ସଭାପତି ସି. ଏଚ ଦିଲେଶ୍ଵର ରେଡି, ବ୍ଲକ ମହିଳା ବିଜେଡ଼ି ସଭାନେତ୍ରୀ ତଥା କରାପଲ୍ଲୀ ସରପଞ୍ଚ ଏସ. ମେନକା ରେଡି, ବ୍ଲକ ଯୁବ ବିଜେଡ଼ି ସଭାପତି ବିନୋଦ ମହାଙ୍କୁଡ, ଲୁହାଝର ସରପଞ୍ଚ ପି. କମଳା ରେଡି ପ୍ରମୁଖ ଉପସ୍ଥିତ ଥିଲେ। ଆଜିର ଟୁର୍ଣ୍ଣାମେଣ୍ଟରେ ୮ଟି ଦଳ ଭାଗ ନେଇଥିଲେ। ଫାଇନାଲ ମ୍ୟାଚ୍ ଗୋଳାବନ୍ଧ ସହ କରାପଲ୍ଲୀ ମଧ୍ୟରେ ହୋଇଥିଲା। କରାପିଲ୍ଲୀ ଦଳ ପ୍ରଥମେ ବ୍ୟାଟିଂ କରି ୫୮ ରନ କରିଥିଲା। ଗୋଳାବନ୍ଧ ଦ୍ୱିତୀୟ ବେଟିଂ କରି ୬୦ ରନ କରି ବିଜୟୀ ହୋଇଥିଲା। ଆଜି ଅପରାହ୍ନରେ ମୁଖ୍ୟ ଅତିଥି ଭାବେ ବ୍ଲକ ମହିଳା ବିଜେଡ଼ି ସଭାନେତ୍ରୀ ତଥା କରାପଲ୍ଲୀ ସରପଞ୍ଚ ଏସ. ମେନକା ରେଡି ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଡୁରା ପଞ୍ଚାୟତ ସରପଞ୍ଚ ବିଷ୍ଣୁ ପ୍ରିୟା ବେହେରା, ଗଞ୍ଜୁ ସରପଞ୍ଚ ନିର ବେହେରା, କରାପିଲ୍ଲୀ ମହିଳା ମହାସଂଘର ସଭାନେତ୍ରୀ ଗୌରୀ ପ୍ରଧାନ ପ୍ରମୁଖ ଯୋଗ ଦେଇ ୱିନର ଦଳ ଗୋଳାବନ୍ଧକୁ ୧୧ ହଜାର ଟଙ୍କା ସହ ଟ୍ରଫି ଓ ମେଡାଲ ପ୍ରଦାନ କରିଥିଲେ।
Popular Categories
Previous article
Next article