ଜାକର୍ତ୍ତା : ହଜାର ହଜାର ବିକ୍ଷୋଭକାରୀ ସୋମବାର ଇଣ୍ଡୋନେସିଆର ପଶ୍ଚିମାଞ୍ଚଳ ପ୍ରଦେଶ ପପୁଆର ସଂସଦ ଭବନକୁ ଜାଳିଦେବା ପରେ ମଙ୍ଗଳବାର ଏକ କାରାଗାରରେ ନିଆଁ ଲଗାଇ ଦେବା ଫଳରେ କାରାଗାରରେ ଥିବା ୨୫୮ କଏଦୀ ଖସି ପଳାଇଛନ୍ତି। ଆଉ ପ୍ରାୟ ୨୫୦ଙ୍କୁ କର୍ତ୍ତୃପକ୍ଷ ଅଟକାଇବାରେ ସମର୍ଥ ହୋଇଛନ୍ତି।
ଆଦିମ ପପୁଆ ଆଦିବାସୀ ସମ୍ପ୍ରଦାୟର ୪୩ ଛାତ୍ରଙ୍କୁ ଗିରଫ ପ୍ରତିବାଦରେ ହଜାରହଜାର ସଂଖ୍ୟାରେ ଜନତା ସୋମବାରଠାରୁ ପ୍ରବଳ ବିକ୍ଷୋଭ ପ୍ରଦର୍ଶନ କରିଛନ୍ତି। ଏହା ହିଂସାମୁଖୀ ହେବା ଫଳରେ ଦୋକାନ ବଜାର ଓ ସରକାରୀ କାର୍ଯ୍ୟାଳୟକୁ ସେମାନେ ପୋଡ଼ି ଦେଇଛନ୍ତି।। ଦେଶର ସୈନ୍ୟବାହିନୀର ନିର୍ଦେଶକ୍ରମେ ପୁଲିସ ପପୁଆ ଛାତ୍ରଙ୍କ ଉପରେ ଦମନଲୀଳା ଚଳାଇଥିବା ଓ ସେମାନଙ୍କୁ କୁକୁର ତଥା ଗଧ ବୋଲି ସମ୍ବୋଧନ କରୁଥିବା ବିକ୍ଷୋଭକାରୀ ଅଭିଯୋଗ କରିଛନ୍ତି। ଏହାର ପ୍ରତିବାଦରେ ସେମାନେ ଭିଚ୍ଛିନ୍ନତାବାଦୀ ସ୍ଲୋଗାନ୍ ଦେବା ସହ ମାନୋକୱାରୀ, ଜୟପୁରା ଓ ପୂର୍ବ ଜାଭାର ସୁରବାୟା, ମାଲାଙ୍ଗଠାରେ ଶୋଭାଯାତ୍ରା ବାହାର କରିଛନ୍ତି। ପୁଲିସ ବିକ୍ଷୋଭକାରୀଙ୍କୁ ଦମନ ଉଦ୍ୟମ କରିବାରେ ସେମାନେ ଅଧିକ ଉତ୍କ୍ଷିପ୍ତ ହୋଇ ବନ୍ଦର ସହର ସୋରଙ୍ଗସ୍ଥିତ ଏକ କାରାଗାର ଓ ଏକାଧିକ ସରକାରୀ କାର୍ଯ୍ୟାଳୟରେ ନିଆଁ ଲଗାଇ ଦେଇଛନ୍ତି। ସେମାନଙ୍କ ଢ଼େଲାପଥର ମାଡ଼ରେ କାରାଗାର କର୍ମଚାରୀ ଆହତ ହୋଇଛନ୍ତି।
Comments are closed.