ସମାଜ ଡିଜିଟାଲ ଡେସ୍କ: ଜେରା ହୋଇପାରନ୍ତି ହ୍ୟୁାମାନ ସାଗରଙ୍କ ଇଭେଣ୍ଟ ମ୍ୟାନେଜର । ହ୍ୟୁମାନଙ୍କ ମୃତ୍ୟୁ ପରେ ବିବାଦ ବଢୁଥିବା ବେଳେ ଥାନାରେ ମାମଲା ପହଞ୍ଚିଛି । ହ୍ୟୁମାନଙ୍କ ଇଭେଣ୍ଟ ମ୍ୟାନେଜର ଦୀନେଶ ବେହେରା ଓ ପ୍ରଶାନ୍ତ ବେହେରାଙ୍କ ନାଁରେ ଥାନାେ ଅଭିଯୋଗ ହେବା ପରେ ବିବାଦ ତେଜୁଛି । କାହିଁକି ଅସୁସ୍ଥତା ଥିବା ପରେ ବି ବିଭିନ୍ନ ସ୍ଥାନରେ ଷ୍ଟେଜ ସୋରେ ହ୍ୟୁମାନଙ୍କୁ ନିଆଯାଉଥିଲା । ହ୍ୟୁମାନଙ୍କ ମାଆଙ୍କୁ ଦିନେଶ ଓ ପ୍ରଶାନ୍ତ ଗାଳିଗୁଲଜ କରୁଥିବାର ଏକ ଭିଡ଼ିଓ ଭାଇରାଲ ହୋଇଥିଲା । ଏନେଇ କୋଶଳବାଦୀ ସଂଗଠନ ଓ ବିଭିନ୍ନ ସାମାଜିକ ସଂଗଠନ ବଲାଙ୍ଗୀର ଟାଉନ ଥାନାରେ ଏତଲା ଦିଆଯାଇଛି ।
ସେପଟେ ପୁଅ ହ୍ୟୁମାନଙ୍କ ମୃତ୍ୟୁକୁ ନେଇ ମା ଶେଫାଳୀ ସୁନା ଚାଞ୍ଚଲ୍ୟକର ସୂଚନା ଦେଇଛନ୍ତି । ପ୍ରୋଗ୍ରାମ ନେଇ ହ୍ୟୁମାନଙ୍କୁ ଆଗୁଆ ଜଣାଯାଉନଥିବା ମା କହିଛନ୍ତି । ପ୍ରୋଗାମ ବୁକ୍ କରିବା ଓ ଟଙ୍କା ଧାର୍ଯ୍ୟ କରିବା କାମ ପପୁ କରୁଥିଲା । ହ୍ୟୁମାନଙ୍କ ବାବଦରେ ପପୁ ସବୁ ଜାଣିଥିଲା । ୧୦ ତାରିଖରେ ଅସୁସ୍ଥତା ଥାଇ ଭୁବନେଶ୍ୱରରେ ପ୍ରୋଗାମ ରଖାଯାଇଥିଲା । ୧୧ତାରିଖରେ ତାକୁ ହସ୍ପିଟାଲ ନେଇ କିଛି ସମୟରେ ଅଣାଯାଇଥିଲା । ୧୨ ତାରିଖରେ ୧୦୩ ଜ୍ୱର ଥାଇ ବି ପ୍ରୋଗାମ ରଖାଯାଇଥିଲା, ଆଉ ସେହି ପପୁ ଆସି ତକେୁ ହସ୍ପିଟାଲ ନେଇଥିଲା । ସେହିଦିନ ହିଁ ତାକୁ ଆଇସିୟୁକୁ ସ୍ଥାନାନ୍ତର କରାଯାଇଥିଲା, ଏତେ ଅସୁସ୍ଥତା ସତ୍ତେ୍ୱ ମୋତେ କିଛି ବି ଅବଗତ କରାଯାଇନଥିଲା ।
ହ୍ୟୁମାନ ସାଗରଙ୍କ ମୃତ୍ୟୁକୁ ନେଇ ସଂଗୀତ ନିର୍ଦ୍ଦେଶକ ପ୍ରେମ ଆନନ୍ଦ କହିଛନ୍ତି ଯେ ହ୍ୟୁମାନ ବହୁତ ସରଳ, ତାଙ୍କୁ ଇମୋସନାଲ ଟ୍ରାପ୍ କରାଯାଉଥିଲା । ହ୍ୟୁମାନଙ୍କ ଶାରିରୀକ ଅସୁସ୍ଥତା ମୋତେ କଷ୍ଟ ଦେଉଥିଲା । ବାରମ୍ବାର ଝିଅକୁ ଦେଖା କରିବାକୁ ହ୍ୟୁମାନ ଚାହୁଁଥିଲେ । ହେଲେ ତାଙ୍କୁ କିଏ ଅଟକାଉଥିଲା ବୋଲି ପ୍ରଶ୍ନ କରିଛନ୍ତି ପ୍ରେମ ଆନନ୍ଦ । ଏହାର ତଦନ୍ତ ହେଉ, ତଦନ୍ତ ହେଲେ ସତ୍ୟ ସାମ୍ନାକୁ ଆସିବ ବୋଲି ପ୍ରେମ ଆନନ୍ଦ କହିଛନ୍ତି ।
