ଝାରସୁଗୁଡ଼ା: ବୁଧବାର ଅପରାହ୍ନରେ ଝାରସୁଗୁଡ଼ାଠାରେ କେନ୍ଦ୍ରୀୟ କ୍ରିୟାନୁଷ୍ଠାନ କମିଟି ପଶ୍ଚିମ ଓଡ଼ିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ପାଇଁ ଗୁରୁତ୍ୱପୂର୍ଣ ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ସୋନପୁର ବ୍ୟତୀତ ସିଏସି ଅଧୀନରେ ଥିବା ପଶ୍ଚିମ ଓଡ଼ିଶା ବାର ଆସୋସିଏସନଗୁଡିକ ଯୋଗ ଦେଇଥିଲେ।
ଆଗାମୀ ଦିନରେ ପଶ୍ଚିମ ଓଡ଼ିଶାରେ ସ୍ଥାୟୀ ହାଇକୋର୍ଟ ବେଞ୍ଚ ପ୍ରତିଷ୍ଠା ପାଇଁ ବୈଠକରେ ଆଲୋଚନା କରାଯାଇଥିଲା। ବୈଠକରେ ଆସନ୍ତା ଅଗଷ୍ଟ ୩୧ ତାରିଖ ପର୍ଯ୍ୟନ୍ତ ପଶ୍ଚିମ ଓଡ଼ିଶାର କୌଣସି କୋର୍ଟରେ ଶୁଣାଣି ହେବ ନାହିଁ, କିନ୍ତୁ ଜରୁରୀକାଳୀନ ସେବାଗୁଡିକ ଖୋଲା ରହିବ ବୋଲି କେନ୍ଦ୍ରୀୟ କ୍ରିୟାନୁଷ୍ଠାନ କମିଟି ପକ୍ଷରୁ ସୂଚନା ଦିଆଯାଇଛି।
ବୈଠକରେ ଆସନ୍ତା ସେପ୍ଟେମ୍ବର ମାସରେ ଗୋଟିଏ ଦିନ ମହାବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଛି। ଏହା ସହିତ ମାସର ଶେଷ ତିନି ଦିନ ସମସ୍ତ ସରକାରୀ ଅଫିସ ସହିତ ବାଣିଜ୍ୟକ ପ୍ରତିଷ୍ଠାନ ବନ୍ଦ କରିବା ପାଇଁ ନିଷ୍ପତ୍ତି ହୋଇଛି। ବୈଠକରେ ବୌଦ୍ଧ, ବଣେଇ, କୁଚିଣ୍ଡା, ବରପାଲି, ଅତାବିରା, ଝାରସୁଗୁଡା, ସମ୍ବଲପୁର, ଦେଓଗଡ଼ ଓ ସୁନ୍ଦରଗଡ଼ ଏବଂ ରାଜଗାଙ୍ଗପୁରର ବାର ଆସୋସିଏସନ ଯୋଗ ଦେଇଥିଲେ।
Comments are closed.