ମେଷ- କାର୍ଯ୍ୟ ଯେତେ କଠିନ ଓ କଷ୍ଟଦାୟକ ହେଲେ ବି ତା’ର ସୁସମ୍ପାଦନ କରି ଉଚିତ୍ ମୂଲ୍ୟ ହାସଲ କରିବେ। ଯାନ-ବାହନ ସୁଖ ମିଳିବ। ଗୃହ ପରିବେଶ ପ୍ରଦୂଷଣମୁକ୍ତ ରହିବ। ସୁସ୍ଥ ଓ ନିରାମୟ ରହିବେ।
ବୃଷ- ବିଭିନ୍ନ ସ୍ତରରୁ ଅର୍ଥାଗମ ହୋଇ ଭଣ୍ଡାର ପରିପୂର୍ଣ୍ଣ ହୋଇପାରେ। ଦେବ ଦର୍ଶନ ପାଇଁ ସମସ୍ତ କଳ୍ମଷ ଦୂର ହେବ। ଅଶାନ୍ତିର ଉପସମ ହେବ। ସରକାରୀ ସ୍ତରରୁ ଲାଭବାନ ହେବାର ସୂଚନା ମିଳୁଛି। କର୍ମଠ ହେବେ।
ମିଥୁନ- ବ୍ୟବସାୟରୁ ପ୍ରଚୁର ଧନପ୍ରାପ୍ତିର ସୁଯୋଗ ସୃଷ୍ଟି ହୋଇଛି। ମତିମାନ୍ ହୋଇପାରନ୍ତି। ମନ ପ୍ରଫୁଲ୍ଲ ରହିବ। କୀର୍ତ୍ତିମାନ ହେବେ। କର୍ମଚଞ୍ଚଳ ରହିବେ। ତ୍ୟାଗପୂତ ମନୋବୃତ୍ତିର ହୋଇ ପାରନ୍ତି।
କର୍କଟ- ଭଲ ଆୟ ହେବ। ବନ୍ଧୁ ବା ସରକାରୀ ସ୍ତରରୁ ଲାଭବାନ ହୋଇପାରନ୍ତି। ସୁସ୍ଥ ରହିବେ। ଭୋଜନ ଅମୃତ ଆସ୍ବାଦନ ତୁଲ୍ୟ ହୋଇପାରେ। ଚିନ୍ତାଧାରା ଉନ୍ନତମାନର ହେବ। ଦାମ୍ପତ୍ୟ ଜୀବନ ପ୍ରେମପୂର୍ଣ୍ଣ ହେବ।
ସିଂହ- କୃଚ୍ଛ୍ର ସାଧନାରେ ସିଦ୍ଧତପା ସାଧୁ ହୋଇପାରନ୍ତି। ପ୍ରାୟ ପ୍ରତ୍ୟେକ କ୍ଷେତ୍ରରେ କର୍ମଚଞ୍ଚଳ ରହିବେ। ମଧୁର କଥା କହି ପରକୁ ଆପଣାର କରି କାର୍ୟ୍ୟ ହାସଲ କରିବେ। ଗରିବଙ୍କ ପାଇଁ ଧନ ବ୍ୟୟ କରିବେ।
କନ୍ୟା- ଅଧିକ ଜ୍ଞାନ ଅର୍ଜନ ପାଇଁ ଚେଷ୍ଠିତ ହେବେ। ସତ୍ କର୍ମରେ ନିଜକୁ ନିୟୋଜିତ କରିପାରନ୍ତି। ସରକାରୀ ସ୍ତରରୁ ସମ୍ମାନ ସହିତ ଧନପ୍ରାପ୍ତିର ସୂଚନା ମିଳୁଛି। ପ୍ରାୟ ପ୍ରତ୍ୟେକ କାର୍ଯ୍ୟରେ ଅପୂର୍ବ ସଫଳତା ପାଇବେ।
ତୁଳା- କର୍ମ କ୍ଷେତ୍ରରୁ ଅପୂର୍ବ ସଫଳତା ମିଳିବ। ନିଜ ଜ୍ଞାନାଲୋକରେ ପଡ଼ୋଶୀଙ୍କ ଚଲାପଥକୁ ଆଲୋକିତ କରିବେ। ଦୟାର୍ଦ୍ରଚିତ୍ତ ହୋଇ ବୁଭୁକ୍ଷୁଙ୍କ ଜଠରାଗ୍ନିକୁ ନିର୍ବାପିତ କରିବେ। ବ୍ୟବସାୟ ଲାଭପ୍ରଦ ହେବ।
ବିଛା- କାର୍ଯ୍ୟର ସଫଳ ରୂପାୟନ କରି ଉପରିସ୍ଥ କର୍ମକର୍ତ୍ତାଙ୍କ ପ୍ରଶଂସାର ପାତ୍ର ହୋଇପାରନ୍ତି। ପ୍ରାପ୍ତ କ୍ଷମତାର ବିକେନ୍ଦ୍ରୀକରଣ କରି ଆଶ୍ରିତଙ୍କ ସମସ୍ୟା ସମାଧାନ କରିପାରନ୍ତି। ସତ୍ପରାୟଣ ହେବେ। ସୁଖୀ ଜୀବନ ବିତାଇବେ।
ଧନୁ- ଆଜି ସାରାଦିନ ସାବଧାନତାର ସହ ଚଳିବାକୁ ପଡ଼ିବ। ଆକସ୍ମିକ ସମସ୍ୟାକୁ ଭୟ ନ କରି ତା’ର ମୁକାବିଲା କଲେ କିଛିଟା ସୁଫଳ ମିଳିପାରେ। ଯାନବାହନ ଚଳାଚଳରେ ସତର୍କ ରହିବାକୁ ପଡ଼ିବ।
ମକର- ଆଜି ଦିନଟି ଆପଣଙ୍କ ପାଇଁ ଅତ୍ୟନ୍ତ ଶୁଭଦାୟକ ହେବ। କର୍ମକ୍ଷେତ୍ରକୁ ଉଜ୍ଜ୍ବଳମୟ କରିପାରନ୍ତି। ସପତ୍ନୀଙ୍କ ଜନ ସେବାରେ ନିମଗ୍ନ ହୋଇ ସେହି କାର୍ଯ୍ୟରେ ଆପଣଙ୍କ ଅନ୍ୟ ସମର୍ଥକମାନଙ୍କୁ ଅନୁପ୍ରାଣିତ କରିପାରନ୍ତି।
କୁମ୍ଭ- ଭାଇ ବନ୍ଧୁ, ଜ୍ଞାତି କୁଟୁମ୍ବଙ୍କ ସହାୟତା ପାଇ ଶତ୍ରୁ ଦମନ କରିପାରନ୍ତି। ସୁସମ୍ବାଦ ପାଇ ଆନନ୍ଦ ଅନୁଭବ କରିବେ। ଶୁଭ କାର୍ଯ୍ୟ ପାଇଁ ବାତାବରଣ ମୁକ୍ତ ଓ ନିର୍ମଳ ରହିଛି। ଅସୀମ ଧର୍ୟ୍ୟ ବଳରେ କାର୍ଯ୍ୟ ହାସଲ କରିବେ।
ମୀନ- ନୂତନ କାର୍ଯ୍ୟରେ ଯୋଗ ଦେବାକୁ ମନ ବଳାଇଥିବାରୁ ଉପାଦେୟ ପୁସ୍ତକ ଅଧ୍ୟୟନ ଉପରେ ମନୋନିବେଶ କରିପାରନ୍ତି। ସପତ୍ନୀକ ପୂଜାର୍ଚ୍ଚନାରେ ନିୟୋଜିତ ହେବେ। ବିଭିନ୍ନ ସୂତ୍ରରୁ ଅର୍ଥାଗମ ହେବ।
Comments are closed.