କଳାପଥର : କଳାପଥର ଗ୍ରାମର ହରିଜନ ସାହିରେ ଜଳ ନିଷ୍କାସନ ବ୍ୟବସ୍ଥା ନଥିବାରୁ ଆଜି ବହୁ ସମୟ ଧରି ମୂଷଳ ଧାରରେ ବର୍ଷା ହେବା ଫଳରେ ଅନେକ ଲୋକଙ୍କ ଦାଣ୍ଡ ପାଣି ଘରେ ପଶି ବାଡ଼ି ପଛ ପଟକୁ ବହି ଯାଇଛି । ଫଳରେ ଗ୍ରାମର ବ୍ରଜ ନାୟକଙ୍କ ଘର ଭୁଶୁଡି ପଡ଼ିଥିବାବେଳେ ଶରତ ନାୟକଙ୍କ ଘର ମାଟି କାନ୍ଥ ଭାଙ୍ଗି ଯାଇଛି । ସମାଜସେବୀ ପ୍ରତାପ ମହାପାତ୍ର କଳାପଥର ଦମକଳ କେନ୍ଦ୍ର କର୍ମଚାରୀଙ୍କୁ ଖବର ଦେଇ ମଟର ଲଗାଇ ପାଣି ଖାଲି କରୁଥିବା ଦେଖିବାକୁ ମିଳିଥିଲା । ପରେ ରାସ୍ତା ରୋକ ହଟିଥିଲା । ବଘେଇ -ଠାରୁ କେନ୍ଦୁପଲ୍ଲୀ ଦେଇ ନାଟେରୀକୁ ସଂଯୋଗ ୪ କିମି ପିଚୁ ରାସ୍ତା ନିମ୍ନ ମାନର କାମ ଚାଲୁ ରହିଥିବା ବେଳେ ଶଙ୍ଖ ଭାଙ୍ଗି ଯିବା ସହିତ ବର୍ଷା ଧାରରେ ଅତଡା ଖସି ରାସ୍ତା ନଷ୍ଟ ହୋଇ ଯାଇଛି ।
ବୈଦେଶ୍ୱର ବଜାରରେ ଡ୍ରେନରେ ବର୍ଷା ଜଳ ନିଷ୍କାସନ ନ ହୋଇ ଘର ଓ ଦୋକାନରେ ପାଣି ପଶି ବହୁ ଧନ ସମ୍ପତ୍ତି ନଷ୍ଟ ହୋଇଯାଇଛି । ମେଗା ପାନୀୟ ଜଳ ଓ ଧାନ ଜମିକୁ ଲିପ୍ତ୍ରିକେଶନ ପାଇଁ ପାଇପ କାମ ଚାଲୁଥିବାବେଳେ ହିଡ଼ ବନ୍ଧା ନହୋଇ ଥିବାରୁ ଏକାଧିକ ଏକର ଜମି ବାଲିଚର ହୋଇଯାଇଛି । ବୈଦ୍ୟେଶ୍ୱର ପଂଚାୟତର ପୋଡ଼ପାଟଣା, କୁରୁମପଡା, ଇଚ୍ଛାପୁର ଗ୍ରାମରେ ଚାଷୀମାନଙ୍କର ଫସଲରେ ପାଣି ପଶି ନଷ୍ଟ ହୋଇଯାଇଛି । ଯଥାଶୀଘ୍ର ରାଜସ୍ୱ ନିରୀକ୍ଷକ ଖକ୍ଷକ୍ଷତି ଆକଳନ କରି ସହାୟତା ପ୍ରଦାନ କରିବାକୁ ପଶ୍ଚିମ ବାଙ୍କୀ ଉର୍ଣ୍ଣୟନ ପରିଷଦର ସଭାପତି ପ୍ରଦ୍ୟୁମ୍ନ କୁମାର ସୁବୁଦ୍ଧିଙ୍କ ସମେତ ସମାଜସେବୀ ପ୍ରଦୀପ ପଟ୍ଟନାନାୟକ ଅନୁରୋଧ କରିଛନ୍ତି ।
Comments are closed.