ଅମୃତଭଣ୍ଡା ଏପରି ଏକ ପରିବା ଯେଉଁ ଥିରେ ପ୍ରଚୁର ପରିମାଣରେ ପୋଷକ ତତ୍ତ୍ବ ଭରି ରହିଛି। କଞ୍ଚା ହେଉ ଅବା ପାଚିଲା ସ୍ବାସ୍ଥ୍ୟ ପ୍ରତି ଅମୃତଭଣ୍ଡା ଖୁବ୍ ଉପକାରୀ। ହେଲେ କିଛି ଲୋକ ଅମୃତଭଣ୍ଡା ଖାଇବାକୁ ଭଲ ପାଆନ୍ତି ନାହିଁ। ମାତ୍ର ସେମାନଙ୍କୁ ଏହା ଅଜଣା ଯେ ନିଜ ଅଜଣାତରେ କେତେ ମାତ୍ରାର ପୋଷକ ତତ୍ତ୍ବ ସେମାନେ ହାତଛଡ଼ା କରୁଛନ୍ତି। ତେବେ ଜାଣନ୍ତୁ କେଉଁ ସମସ୍ୟା ଦୂର କରିଥାଏ ଅମୃତଭଣ୍ଡା –
– ସାଧାରଣତଃ ଶରୀରରେ ରୋଗ ପ୍ରତିରୋଧକ ଶକ୍ତିର ହ୍ରାସ ଘଟିଲେ ମଣିଷ ବିଭିନ୍ନ ପ୍ରକାର ରୋଗର ଶିକାର ହୋଇଥାଏ। କୌଣସି ରୋଗ ସହ ଲଢ଼ିବାର କ୍ଷମତା ହ୍ରାସ ପାଇଥିାଏ। ଫଳରେ କୌଣସି ରୋଗ ହେଲେ ତାହା ସହଜେ ଭଲ ହୋଇନଥାଏ। ଏଭଳି ସମସ୍ୟା ଦୂର କରିଥାଏ ଅମୃତଭଣ୍ଡା। ଅମୃତଭଣ୍ଡା ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ। ଏଥରେ ଭିଟାମିନ-ସି ଥାଏ। ଏହା ରୋଗରୁ ରକ୍ଷା କରିଥାଏ।
– ପାଚିଲା ଅମୃତଭଣ୍ଡାରେ ଭିଟାମିନ ଏ ଓ ବି ର ମାତ୍ରା ଭରପୂର ରହିଥାଏ। ତ୍ୱଚାର ସୌନ୍ଦର୍ଯ୍ୟ ବୃଦ୍ଧି ପାଇଁ ମଧ୍ୟ ଏହାର ବ୍ୟବହାର କରାଯାଇ ପାରିବ। ଏହା ତ୍ବଚାରେ ଦାଗ ଦୂର କରି ଅଦ୍ଭୁତ ଚମକ ଆଣିଥାଏ।
– ମଧୁମେହ ରୋଗୀଙ୍କ ପାଇଁ ଏହା ବେଶ୍ ଲାଭପ୍ରଦ। ଏଥିରେ ଶର୍କରା ମାତ୍ରା କମ୍ ଥାଏ। ମଧୁମେହ ରୋଗୀ ଅମୃତଭଣ୍ଡା ଖାଇବା ଦ୍ବାରା ଅନେକ ଲାଭ ମିଳିଥାଏ।
– ଗବେଷଣାରୁ ଜଣାପଡ଼ିଛି ଯେ ଅମୃତଭଣ୍ଡା ବ୍ୟକ୍ତିଙ୍କୁ ମାନସିକ ଚିନ୍ତାରୁ ମଧ୍ୟ ମୁକ୍ତି ଦେଇଥାଏ।
– ଓଜନ କମାଇବାରେ ଏହା ବିଶେଷ ଭାବେ ସହାୟକ ହୋଇଥାଏ।