ହରଭଙ୍ଗା : ସମ୍ପ୍ରତି ହରଭଙ୍ଗା ବ୍ଲକରେ କୁକୁରଙ୍କ ଦେହରେ ଏକ ଅଚିହ୍ନା ରୋଗର ଲକ୍ଷଣ ଦେଖା ଦେଇଛି। ଏଭଳି ରୋଗରେ ଆକ୍ରାନ୍ତ ଥିବା କୁକୁର ସବୁ ସଠିକ୍ ଭାବେ ଚାଲି ବୁଲି ପାରୁ ନଥିବା ଭଳି ଲକ୍ଷଣ ଦେଖାଦେଇଛି। ଚାଲିଲା ସମୟରେ ଆପେ ଆପେ ଢଳି ପଡୁଥିବା ଲକ୍ଷଣ ସହିତ ଚାଲି ବୁଲି ନପାରି କଷ୍ଟରେ ଜୋରରେ ରଡି କରୁଥିବା ଦେଖା ଦେଇଛି। ଏଭଳି ଲକ୍ଷଣ କୁକୁରମାନଙ୍କ ଦେହରେ ମାସେତଳେ ଦେଖା ଦେଇଛି। ମାତ୍ର ଏ ସର୍ମ୍ପକରେ ପ୍ରାଣୀ ଚିକିତ୍ସା ବିଭାଗ ପାଖରେ ଖବର ନଥିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ବିଶେଷତଃ ହରଭଙ୍ଗା ବଜାର ଅଂଚଳରେ ରହିଥିବା ଅନେକ କୁକୁରମାନଙ୍କ ଦେହରେ ଏହି ଲକ୍ଷଣ ଦେଖିବାକୁ ମିଳିଛି। ତୁରନ୍ତ ଏ ଦିଗରେ ପ୍ରାଣୀ ଚିକିତ୍ସା ବିଭାଗ ସ୍ୱତନ୍ତ୍ର ଦୃଷ୍ଟିଦେବାକୁ ଦାବୀ ଉଠୁଛି।
Comments are closed.