ହରଭଙ୍ଗା: ହରଭଙ୍ଗା ଥାନା ଅନ୍ତର୍ଗତ ଧୁଙ୍ଗିଆମୁଣ୍ଡା ଗ୍ରାମର ଏକ କୂଅରୁ ଗୋଟିଏ ଗାଈକୁ ଅଗ୍ନିଶମ ବାହିନୀ ରବିବାର ଉଦ୍ଧାର କରିଛନ୍ତି।
ସୂଚନା ମତେ, ଧୁଙ୍ଗିଆମୁଣ୍ଡା ଗ୍ରାମର ଉମାକାନ୍ତ ମଲ୍ଲିକଙ୍କ ଗାଈ ଦୁର୍ଭାଗ୍ୟବଶତଃ ତାଙ୍କ ବାଡ଼ି ପଟ କୂଅ ଭିତରେ ପଡ଼ି ଯାଇଥିଲା। କୂଅ ଭିତରୁ ଏକ ଉଚ୍ଚ ଶବ୍ଦ ହେବାରୁ ଉମାକାନ୍ତଙ୍କ ପରିବାର ଲୋକେ ଯାଇ ଗାଈଟିକୁ ପଡିଥିବା ଅବସ୍ଥାରେ ଦେଖିବାକୁ ପାଇଥିଲେ। ଏହାପରେ ପ୍ରଥମେ ସେମାନେ ନିଜେ ଉଦ୍ଧାର କରିବା ପାଇଁ ଚେଷ୍ଟା କରିଥିଲେ ସୁଦ୍ଧା ବିଫଳ ହେଇଥିଲେ। ଠିକ ଏହି ସମୟରେ ଯୁବ ସମାଜସେବୀ ସୁଧିର ଦୀପ ଏହି ଖବର ପାଇ ସେଠାରେ ପହଞ୍ଚି ତୁରନ୍ତ ଦମକଳ କେନ୍ଦ୍ରକୁ ଫୋନ କରିଥିଲେ। ସ୍ଥାନୀୟ ଦମକଳ କେନ୍ଦ୍ର ଚାରିଛକ ଗାଡି ସେହି ସମୟରେ ଉପଲବ୍ଧ ନଥିବାରୁ ଆଠମଲ୍ଲିକ ଦମକଳ କେନ୍ଦ୍ରକୁ ଯୋଗାଯୋଗ କରିଥିଲେ। ଶେଷରେ ଆଠମଲ୍ଲିକରୁ ଦମକଳ ବାହିନୀ ଆସି ଅଗ୍ନିଶମ ଓ ବିପର୍ଯ୍ୟୟ ପରିଚାଳନା ଅଧିକାରୀ ତପନ ସାମଲ ଓ ତାଙ୍କ ଟିମ୍ ମିଶି ଗାଈକୁ ଉଦ୍ଧାର କରିଥିଲେ ।
