ହରଭଙ୍ଗା: ହରଭଙ୍ଗା ବ୍ଲକ ପୁରୁଣାକଟକ ଥାନା ଅର୍ନ୍ତଗତ ଚାରିଛକ ବଜାରରେ ଥିବା ଏକ ଅଟୋ ଗ୍ୟାରେଜ୍ରେ ଗତ ଶୁକ୍ରବାର ବିଳମ୍ବିତ ରାତିରେ କେହି ଦୁର୍ବୁତ ନିଆଁଲଗାଇ ଜାଳିଦେଇଥିବା ଜଣାପଡ଼ିଛି। ଏ ସର୍ମ୍ପକରେ ଗ୍ୟାରେଜ୍ ମାଲ୍ଲିକ ନାରାୟଣ କହଁର ପୁରୁଣାକଟକ ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ଅନୁସାରେ ଚାରିଛକ ଚେକ ଗେଟ ନିକଟରେ ଯାଜପୁର ଗ୍ରାମର ନାରାୟଣ କହଁର ଏବଂ ଝାଡ୍ରାଜିଂ ଗ୍ରାମର ଶେଷଦେବ ପ୍ରଧାନ ଦୁହେଁ ମିଶି ଦୀର୍ଘ ୪ବର୍ଷ ହେଲା ଏକ ଅଟୋ ଗ୍ୟାରେଜ୍ ଦୋକାନ କରିଥିଲେ। ସେହି କ୍ୟାବିନରେ ସେମାନେ ତାଲା ପକାଇଥିବା ବେଳେ ଅନ୍ୟ କେହି ୫ ଥର ହେବ ତାଲା ଉପରେ ଆଉ ଏକ ତାଲା ପକାଉଥିଲେ।
ଏ ବାବଦରେ ଗତ ୩ତାରିଖ ନାରାୟଣ ପୁରୁଣାକଟକ ଥାନାରେ ଲିଖିତ ଭାବେ ଜଣାଇଥିଲେ। ମାତ୍ର ଏହା ଉପରେ ପୁଲିସ କୌଣସି ପଦକ୍ଷେପ ନେଇନଥିଲା। ଗତ ରାତିରେ କ୍ୟାବିନରେ କେହି ନଥିବା ସମୟରେ କେହି ଦୁର୍ବୃତ ନିଆଁ ଲଗାଇ ଜାଳି ଦେଇଥିଲେ। ଫଳରେ କ୍ୟାବିନରେ ଥିବା ପାଖାପାଖି ଅଢେଇ ଲକ୍ଷଟଙ୍କାର ସାମଗ୍ରୀ ପୋଡି ପାଉଁଶ ହୋଇଯାଇଛି। ତାଲା ପକାଇବା ବାବଦରେ ଚାରିଛକର ଅନାଥ ସାହୁ ତାଙ୍କୁ ପ୍ରତିବାଦ କରୁଥିବାରୁ ଏହି ଘଟଣାରେ ସେ ଲିପ୍ତ ଥିବା ସନ୍ଦେହ କରୁଥିବା ଏତଲାରେ ଦର୍ଶାଇଛନ୍ତି। ତୁରନ୍ତ ପୁଲିସ ଏ ଘଟଣା ଉପରେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଦାବୀ କରିଛନ୍ତି। ଏ ସର୍ମ୍ପକରେ ପୁରୁଣାକଟକ ଆଇଆଇସି ଜ୍ୟୋସ୍ନା କାଉଁରୀଙ୍କୁ ପଚାରିବାରୁ ଅଭିଯୋଗ ଉପରେ ଘଟଣାର ତଦନ୍ତ ଚାଲିଥିବା କହିଛନ୍ତି।
Comments are closed.