ଖପ୍ରାଖୋଲ(ନି.ପ୍ର): ବଲାଙ୍ଗିର ଜିଲା ଖପ୍ରାଖୋଲ ବ୍ଲକ ଅନ୍ତର୍ଗତ ଧଣ୍ଡାମୁଣ୍ଡା ବାଞ୍ଜିପାଲି ଗାଁ ଜଗନ୍ନାଥ ମନ୍ଦିରରେ ଚୋରି । ଏନେଇ ଖପ୍ରାଖୋଲ ଥାନାରେ ଅଭିଯୋଗ । ସୂଚନା ଅନୁସାରେ, ବାଞ୍ଜିପାଲି ଗାଁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପାଖରେ ଜଗନ୍ନାଥ ମନ୍ଦିରରୁ ଶୁକ୍ରବାର ସଂନ୍ଧ୍ୟାରେ ପୂଜକ ପ୍ରୀତମ ମିଶ୍ର ସଂନ୍ଧ୍ୟା ଆଳତ କରିସାରିବା ପରେ ପହୁଡ କରି ଘରକୁ ଯାଇଥିଲେ।
ଶନିବାର ସକାଳେ ପୂଜକ ପୂଜା ପାଇଁ ମନ୍ଦିରକୁ ଆସିଥିଲେ। ମନ୍ଦିରର ମୁଖ୍ୟ ଫାଟକର ତାଲା ଭଙ୍ଗା ଯାଇଥିବା ଦେଖି ଗାଁ ଲୋକଙ୍କୁ ଖବର ଦେଇଥିଲେ। ଏହାପରେ ଖପ୍ରାଖୋଲ ପୁଲିସକୁ ଖବର ଦିଆଯାଇଥିଲା। ମନ୍ଦିରରେ ପୂଜା ପାଉଥିବା ଅଷ୍ଟଧାତୁରେ ତିଆରି ରାଧାକୃଷ୍ଣ ମୂର୍ତ୍ତି, ଲଷ୍ମୀ ମୂର୍ତ୍ତି, ସରସ୍ବତୀ ମୂର୍ତ୍ତି, ପୂଜାରେ ବ୍ୟବହୃତ ହେଉଥିବା ରୂପା ଓ ତମ୍ବା ଥାଳି, ଗରା ଏବଂ ଡାକବାଜି ଯନ୍ତ୍ରପାତି ଚୋରି ହୋଇଥିବା ଜଣା ପଡିଛି ।
ଖପ୍ରାଖୋଲ ଥାନାରେ ଶନିବାର ସକାଳୁ ବାଞ୍ଜିପାଲି ଗାଁ ଲୋକଙ୍କ ଲିଖିତ ଅଭିଯୋଗକୁ ଆଧାର କରି ୪୫୭ ଓ ୩୮୦ ଦଫାରେ ୫୯ ନମ୍ବର ମାମଲା ରୁଜୁ କରାଯାଇଛି । ଖପ୍ରାଖୋଲ ଥାନାଧିକାରୀ ରମାକାନ୍ତ ସାହୁ, ଅନ୍ୟ ପୁଲିସ କର୍ମଚାରୀ, ସାଇଣ୍ଟିଫିକ ଦଳ ଘଟଣା ସ୍ଥଳକୁ ଯାଇ ତଦନ୍ତ କରିଛନ୍ତି । l ମନ୍ଦିରର ଦେଢ ଲକ୍ଷ ଟଙ୍କାର ମୂର୍ତି ଓ ଅନ୍ୟ ଜିନିଷ କରିଥିବା ଚୋରଙ୍କୁ ଶୀଘ୍ର ଧରିବାକୁ ଗାଁ ଲୋକେ ଦାବି କରିଛନ୍ତି।
