ହରଭଙ୍ଗା:ବୌଦ୍ଧଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଥାନା ଅର୍ନ୍ତଗତ ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥର ଲୁଣିବାହାଲ ବଜାରରେ ଏକ କୋଇଲା ବୋଝେଇ ଟ୍ରକ ଭାରସାମ୍ୟ ହରାଇ ଦୋକାନ ଭିତରକୁ ପଶି ଦୁର୍ଘଟଣାଗ୍ରସ୍ତ ହୋଇଛି।ଏଥିରେ ଟ୍ରକ ଡ୍ରାଇଭର ଓମକାରମ ପାଲୋଡି(୪୦) ,ଖଲାସୀ ତିରୁପତି ରେଡ୍ଡୀ(୪୨) ସହିତ ଦୋକାନରେ ବସିଥିବା ଶ୍ୟାମସୁନ୍ଦର ସାହୁ (୫୮)ଭଳି ୩ଜଣ ଗୁରୁତର ଆହାତ ହୋଇଥିବା ଜଣାପଡିଛି।ସୂଚନା ମତେ ଏହି ଜାତୀୟରାଜପଥ ଦେଇ ଚାରିଛକ ପଟୁ ବୌଦ୍ଧ ଆଡକୁ ବାରଚକିଆ ଟ୍ରକ ନଂ-ଏପି-୨୭ଟି.ଜେଡ୍ ୨୪୪୫ନାମକ କୋଇଲା ବୋଝେଇ ଗାଡି ଯାଉଥିଲା।
ଲୁଣିବାହାଲ ବଜାର ଅତିକ୍ରମ କରିବା ସମୟରେ ଗାଡିଟି ଭାରସାମ୍ୟ ହରାଇ ଏକ ଗ୍ରୋସରୀ ଦୋକାନ ଭିତରକୁ ପଶିଯାଇ ଦୁର୍ଘଟଣାଗ୍ରସ୍ତ ହୋଇଥିଲା।ଫଳରେ ଦୋକାନ ବାରଣ୍ଡାରେ ବସିଥିବା ହରଭଙ୍ଗା ଥାନା ଅର୍ନ୍ତଗତ ଭେଜିଗୁଡା ଗ୍ରାମର ଶ୍ୟାମସୁନ୍ଦର ସାହୁ(୫୮)ଙ୍କ ଗୋଡ,ହାତ,ମୁଣ୍ଡରେ ଆଘାତ ଲାଗିଥିଲା। ଟ୍ରକ ଡ୍ରାଇଭର,ଖଲାସୀ ମଧ୍ୟ ଆହାତ ହୋଇଥିବା ଜଣାପଡିଛି।ପୁରୁଣାକଟକ ପୁଲିସ ଘଟଣାର ତଦନ୍ତ ଚଳେଇଛି।
Comments are closed.