ଖରା ହେଉ ଅବା ଶୀତ ସବୁ ସମୟରେ କେଶ ଜନିତ ସମସ୍ୟା ଲାଗି ରହିଥାଏ। ଏହି ସମସ୍ୟାରୁ ମୁକ୍ତି ପାଇବା ପାଇଁ ଆମେ ବଜାରରେ ମିଳୁଥିବା ବିଭିନ୍ନ ପ୍ରକାରର ସାମ୍ପୁର ବ୍ୟବହାର କରିଥାଉ। ମାତ୍ର କେମିକାଲ କାରଣରୁ ଏହା କେଶ ଉପରେ କୁପ୍ରଭାବ ପକାଇଥାଏ। କେଶ ସଫା କରିବା ପାଇଁ ସାମ୍ପୁର ଭୂମିକା ଅପରିହାର୍ଯ୍ୟ। ତେଣୁ ଘରୋଇ ଉପାୟରେ ସାମ୍ପୁ ପ୍ରସ୍ତୁତ କରି ଏହାକୁ ବ୍ୟବହାର କଲେ କେଶ ଜନିତ ବହୁ ସମସ୍ୟାର ସମାଧାନ ହୋଇଥାଏ। ଘରୋଇ ଉପାୟରେ ପ୍ରସ୍ତୁତ ହେଉଥିବା ଏହି ସାମ୍ପୁ ଲଗାଇଲେ କେଶ ଝଡ଼ିବା, ରୂପି ଆଦି ସମସ୍ୟାରୁ ମୁକ୍ତି ମିଳିବା ସହ ଏହା କେଶକୁ ରେଶମୀ ଓ ମୋଟା ମଧ୍ୟ କରିଥାଏ। ଜାଣନ୍ତୁ, ଘରୋଇ ଉପାୟରେ କିପରି ସାମ୍ପୁ ପ୍ରସ୍ତୁତ କରିବେ….
ଅଁଳା – ୪ଟି
ରିଠା ଫଳ – ୪ଟି
ସିକାକାଇ – ୨ଟି
ରାତିରେ ଅଁଳା, ରିଠା, ସିକାକାଇ ନେଇ ଏକ ପାତ୍ରରେ ଆବଶ୍ୟକ ଅନୁଯାୟୀ ପାଣି ଦେଇ ତାହାକୁ ଫୁଟାଇ ଦିଅନ୍ତୁ। ଭଲ ଭାବେ ଏହା ସିଝିବା ପରେ ଘୋଡ଼ାଇ ରଖି ଦିଅନ୍ତୁ। ପରଦିନ ଏହାକୁ ଭଲ ଭାବେ ଚକଟି ଏହାର ରସରେ କେଶକୁ ସଫା କରନ୍ତୁ। ଆପଣ ନିୟମିତ ଏହାକୁ ସପ୍ତାହକୁ ୩ ଥର ଲଗାନ୍ତୁ। ୧ମାସ ମଧ୍ୟରେ ନିଜେ ଅନୁଭବ କରିବେ କେଶ ପାଇଁ ଏହା ଆଶୀର୍ବାଦ ଠାରୁ କମ ନୁହେଁ।
ଘରୋଇ ଉପାୟରେ ପ୍ରସ୍ତୁତ କରନ୍ତୁ ସାମ୍ପୁ , ଦୂର ହେବ କେଶ ଜନିତ ସମସ୍ତ ସମସ୍ୟା
Popular Categories
Previous article
Next article