ଲାହୋର : ମୁମ୍ବଇ ଆତଙ୍କବାଦୀ ଆକ୍ରମଣର ମୁଖ୍ୟ ଷଡଯନ୍ତ୍ରକାରୀ ହାଫିଜ ସଇଦ ଦ୍ୱାରା ପରିଚାଳିତ ଦୁଇ ସଂଗଠନ ଜମାତ-ଉଦ୍-ଦାୱା (ଜେୟୁଡି) ଓ ଫଲାହ-ଇ-ଇନସାନିୟତ ଫାଉଣ୍ଡେସନ (ଏଫଆଇଏଫ)କୁ ପାକିସ୍ତାନ ସରକାର ନିଷିଦ୍ଧ କରିଛନ୍ତି। ତେବେ ପାକିସ୍ତାନ ସରକାରଙ୍କ ଏହି ନିଷେଧାଦେଶ ନାମକୁ ମାତ୍ର ବୋଲି ଜଣାଯାଇଛି। କାରଣ ଏହି ଦୁଇ ସଂଗଠନର କାର୍ଯ୍ୟାଳୟ ଯଥାରୀତି ଚାଲୁଛି। ହାଫିଜ ଓ ଜେୟୁଡିର ଅନ୍ୟ ନେତାମାନେ କାର୍ଯ୍ୟାଳୟକୁ ନିୟମିତ ଯାଉଛନ୍ତି। ଗତ ମାସରେ ପାକିସ୍ତାନ ସରକାର ଲାହୋରସ୍ଥିତ ଜେୟୁଡିର ମୁଖ୍ୟକାର୍ଯ୍ୟାଳୟକୁ ସିଲ୍ କରିଥିଲେ। ମାତ୍ର ହାଫିଜ ପ୍ରତି ଶୁକ୍ରବାର ଏହି କାର୍ଯ୍ୟାଳୟରେ ଉପସ୍ଥିତ ରହି ସାଧାରଣ ଜନତାଙ୍କୁ ଉଦ୍ବୋଧନ ଦେବା ଜାରି ରଖିଛି। ପଞ୍ଜାବ ସରକାରଙ୍କ ଜଣେ ଅଧିକାରୀଙ୍କ କହିବା ଅନୁଯାୟୀ ସରକାର ହାଫିଜ ଓ ତାର ସହଯୋଗୀଙ୍କ କାର୍ଯ୍ୟାଳୟ ନ ଆସିବା ଲାଗି କୌଣସି ପ୍ରକାର ନିର୍ଦେଶନାମା ଜାରି କରିନାହାନ୍ତି।
Popular Categories
Previous article
Next article