ସୁନ୍ଦରଗଡ଼: ଲେଫ୍ରିପଡା ଥାନା ଅନ୍ତର୍ଗତ ପତର ଗୋଦାମ ନିକଟରେ ଜୈନିକା ମହିଳାଙ୍କ ଠାରୁ ଟଙ୍କା ଲୁଟ କରି ତାଙ୍କ ସହ ଦୁଷ୍କର୍ମ କରିବା ଘଟଣା ସମଗ୍ର ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି । ବେଳେ ଲେଫ୍ରିପଡା ପୁଲିସ ପୀଡ଼ିତା ମହିଳାଙ୍କ ଡ଼ାକ୍ତରିମାଇନା କରାଇବା ସହ ଦୁଷ୍କର୍ମକାରୀଙ୍କୁ ଆଜି ସନ୍ଧ୍ୟାରେ କୋର୍ଟ ଚାଲାଣ କରିଛି ।
ପୁଲିସ ସୂତ୍ରରୁ ପ୍ରକାଶ, ସୋମବାର ରାତିରେ ଲେଫ୍ରିପଡା ଥାନା ଅନ୍ତର୍ଗତ କାପୁଟିକ୍ରା ଡ଼ମପଡ଼ାର ଜୈନିକା ମହିଳା ନିକଟସ୍ଥ ଦୋକାନରୁ ତେଲ କିଣି ଘରକୁ ଫେରୁଥିବା ବେଳେ ବାଟରେ ଏହି ଗ୍ରାମର ସୁରେଶ କିଶାନ ପ୍ରୋକ୍ତା ମହିଳାଙ୍କୁ ଭୟଭିତ କରାଇ ତାଙ୍କ ପାଖରେ ଥିବା ହଜାରେ ଟଙ୍କା ଲୁଟ କରିଥିଲା । ପରେ ପତର ଗୋଦାମ ନିଚ୍ଛାଟିଆ ସ୍ଥାନରେ ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ପୀଡାତା ଲେଫ୍ରିପଡା ଥାନାରେ ଅଭିଯୋଗ କରିଥିଲେ । ଲେଫ୍ରିପଡା ଥାନା ଅଧିକାରୀ ସୌଦାମିନୀ ନାଗ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରିବା ପରେ ଦୁଷ୍କର୍ମକାରୀ ସୁରେଶକୁ ଗିରଫ କରି ତାଙ୍କ ମଧ୍ୟ ଡ଼ାକ୍ତରିମାଇନା କରାଇ କୋର୍ଟ ଚାଲାଣ କରିଥିଲେ ।