ପାଟଣା : କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ଗତ କିଛି ଦିନ ହେଲା ୨୨ ଟିକିଆ ହାତୀପଲଙ୍କ ଉପଦ୍ରବ ଜାରି ରହିଛି । ସୋମବାର ଏହି ହାତୀପଲରୁ ଏକ ଦନ୍ତା ଅଲଗା ହୋଇ ଦିବାଲୋକରେ ଦୁଇଟି ଘର ଉପରେ ଆକ୍ରମଣ କରି ଘରର କାନ୍ଥ ଭାଙ୍ଗି ଦେଇଛି । ସୂଚନା ଅନୁଯାୟୀ ଆଜି ଦିନ ପାଖାପାଖି ୧୨ ଟାରେ ରେଙ୍ଗାଳବେଡା ଗ୍ରାମର ଲାଙ୍କା ମୁଣ୍ଡାଙ୍କ ଘରର କାନ୍ଥ ଭାଙ୍ଗି ଦେଇଥିବା ବେଳେ ତାଙ୍କର ନିର୍ମାଣାଧୀନ ଇଟା କାନ୍ଥ ଘର କୁ ମଧ୍ୟ ଭାଙ୍ଗିଦେଇଛି । ସେହିପରି ଦୀନବନ୍ଧୁ ମହାନ୍ତଙ୍କ ଘର ଉପରେ ଆକ୍ରମଣ କରିବା ସମୟରେ ଲୋକଙ୍କ ପାଟି ଶୁଣି ଦନ୍ତାଟି ଫେରି ଯାଇଥିଲା। ଖବର ପାଇ ଘଟଣାସ୍ଥଳରେ ପାଟଣା ବନାଞ୍ଚଳ ଅଧିକାରୀ ଘାସିନାଥ ପାତ୍ର, ସାହାରପଡା ବନପାଳ ମୋହିନୀ ମହାନ୍ତ ଓ ବନ କର୍ମଚାରୀ ପହଞ୍ଚି ଦନ୍ତାଟିକୁ ଘଉଡାଇବା ପରେ ସେ ଜଙ୍ଗଲକୁ ଚାଲିଯାଇଥିଲା। ତେବେ ହାତୀପଲ ସଂନ୍ଧ୍ୟା ଯାଏଁ ନୂଆଗାଁ ଜଙ୍ଗଲରେ ରହିଥିବା ବନ ବିଭାଗ ସୂଚନା ଦେଇଛି।
Comments are closed.