ଗୁରୁଡ଼ିଝାଟିଆ: ଲଘୁଚାପ ଜନିତ ଲଗାଣବର୍ଷା ଯୋଗୁଁ ଛଅଗାଁସ୍ଥିତ ଉତ୍କଳମଣି ଉଚ୍ଚ ବିଦ୍ୟାପୀଠ ପରିସର ଜଳାର୍ଣ୍ଣବ ହୋଇଛି। ବିଦ୍ୟାର୍ଥୀମାନେ ପୁଟିଆଏ ପାଣିରେ ପ୍ରବେଶ କରି ବିଦ୍ୟାଳୟକୁ ଯାଉଛନ୍ତି। ବିଦ୍ୟାଳୟ ପରିସରରେ ଏଭଳି ପାଣି ଜମି ରହିବା ଦେଖି ଶିକ୍ଷକ ବ୍ୟତିବ୍ୟସ୍ତ ହୋଇପଡ଼ିଥିଲେ। ସରୀସୃପଙ୍କ ପ୍ରାଦୃଭାବ ରହିଥିବାରୁ ସତର୍କତାର ସ୍ୱରୂପ ପ୍ରଧାନଶିକ୍ଷକ ଗୋପବନ୍ଧୁ ଭୂୟାଁ ଓ ଅନ୍ୟ ଶିକ୍ଷୟିତ୍ରୀମାନେ ବିଦ୍ୟାଳୟକୁ ପ୍ରବେଶ ଓ ପ୍ରସ୍ଥାନ ସମୟରେ ଫାଟକ ସମ୍ମୁଖରେ ଉପସ୍ଥିତ ରହୁଛନ୍ତି। ଯେହେତୁ ବିଦ୍ୟାଳୟଟି ଚାଷଜମିକୁ ଲାଗିରହିଛି ଜଳନିସ୍କାସନ ବ୍ୟବସ୍ଥା ହୋଇପାରୁନାହିଁ। ଏହା ସହିତ ପ୍ରଥମକୁ ଅଷ୍ଟମ ଶ୍ରେଣୀ ପିଲାମାନେ ମଧ୍ୟ ପାଣିରେ ଯାତାୟାତ କରୁଥିବାରୁ ଥଣ୍ଡା ଓ କାଶ,ଜ୍ୱରରେ ଆକ୍ରାନ୍ତ ହେବାର ସମ୍ଭାବନା ରହିଛି। ବ୍ଲକ ଶିକ୍ଷାଧିକାରୀ ଏହି ବିଦ୍ୟାଳୟକୁ ତୁରନ୍ତ ଅନୁଧ୍ୟାନ କରି ଲଗାଣବର୍ଷା ସମୟରେ ଯେପରି ବିଦ୍ୟାଳୟ ପରିସରରେ ପାଣି ଜମିବ ନାହିଁ ସେଥିପାଇଁ ନିସ୍କାସନ ବ୍ୟବସ୍ଥା କରିବା ନିମନ୍ତେ ଅଭିଭାବକ ଓ ବିଦ୍ୟାଳୟ ପରିଚାଳନା କମିଟି ପକ୍ଷରୁ ଦାବି କରାଯାଇଛି।
Popular Categories
Previous article
Next article