ଗୁରୁଡିଝାଟିଆ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ ଓ ରାଜ୍ୟକୁ ପ୍ରଗତି ପଥରେ ଆଗେଇ ନେବାର ଶପଥ ସର୍ବୋପରି ଆଠଗଡ ବିଧାୟକ ତଥା ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ଆଠଗଡକୁ ନୂତନ ଢଙ୍ଗରେ ଗଢିତୋଳିବା କାର୍ଯ୍ୟଧାରରେ ଆନନ୍ଦ ପ୍ରକଟ କରି ଧୁରୁଷିଆ ପଞ୍ଚାୟତର ସରପଞ୍ଚ ସଂଯୁକ୍ତା ପାଣି ଓ ଆଠଗଡ ଜୋନ-୩ର କଂଗ୍ରେସ ସଭାପତି ମଙ୍ଗୁଳି ପାଣି ଆଜି ବିଧିବଦ୍ଧ ଭାବରେ ବିଜୁ ଜନତା ଦଳରେ ସାମିଲ ହୋଇଛନ୍ତି। ଧୁରୁଷିଆ ହନୁମାନ ମନ୍ଦିର ପରିସରରେ ଆୟୋଜିତ ମିଶ୍ରଣ ପର୍ବରେ ଜୋନ-୩ ଜିଲା ପରିଷଦ ସଦସ୍ୟ ବଳଭଦ୍ର ବାଘଙ୍କ ଅଧ୍ୟକ୍ଷତାରେ ଆୟୋଜିତ ଏହି ମିଶ୍ରଣ ପର୍ଦବରେ ସରପଞ୍ଚ ସଂଯୁକ୍ତା ପାଣି ଓ ବରିଷ୍ଠ କଂଗ୍ରେସ ନେତା ମଙ୍ଗୁଳି ପାଣି ମିଶିବା ସହ ଶତାଧିକ କଂଗ୍ରେସ କର୍ମୀମଧ୍ୟ ବିଜେଡିରେ ଯୋଗଦେଇଥିଲେ।
ବିଜୁ ଜନତା ଦଳର ନୀତି ଆଦର୍ଶରେ କାର୍ଯ୍ୟ କରିବା ସହ ଦଳକୁ ଅଧିକ ମଜବୁତ,ଶକ୍ତ ସର୍ବୋପରି ନଦୀକୂଳ ପଞ୍ଚାୟତରେ ଦଳକୁ ଆହୁରି ଆଗେଇ ନେବା ପାଇଁ ମିଶ୍ରଣ ପର୍ବରେ ସେମାନେ କହିଥିଲେ। ଏହି ମିଶ୍ରଣ ପର୍ବରେ ଆଠଗଡ ବିଜୁ ଜନତା ଦଳର ସଭାପତି ରବୀନ୍ଦ୍ର ନାଥ ରାଉତ, କଟକ ଜିଲା ବିଜୁ ଜନତା ଦଳର ଉପସଭାପତି ନୃସିଂହ ଚରଣ ମହାପାତ୍ର, ପୂର୍ବତନ ସରପଞ୍ଚ ଶ୍ରୀକର ଜେନା, ସ୍ଥାନୀୟ ବିଜେଡି ସଭାପତି ନିରାକାର ଲେଙ୍କା, ପୂର୍ବତନ ସରପଞ୍ଚ ଲକ୍ଷ୍ମୀପ୍ରିୟା ବେହେରା, ଅନନ୍ତପୁର ସରପଞ୍ଚ ଶକ୍ତିକାନ୍ତ ସାହୁ, ଧୁରୁଷିଆ ସମିିତିସଭ୍ୟା ମିନତୀ ଜେନା ପ୍ରମୁଖ ବିଜେଡି କର୍ମୀମାନେ ଉପସ୍ଥିତ ଥିଲେ।
Comments are closed.