ଲକ୍ଷ୍ନୌ : ପୁଣି ଥରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀଙ୍କ ସାମୂହିକ ବିବହା ଯୋଜନା ଚର୍ଚ୍ଚାକୁ ଆସିଛି । ଚଳିତ ଥର ବିବାହିତ ଯୋଡ଼ିଙ୍କୁ ଦ୍ୱିତୀୟ ଥର ବିବାହା ପାଇଁ ନୁହେଁ ବରଂ ବିବାହରେ ଦିଆଯାଇଥିବା ଲୁହା ଗହଣାକୁ ନେଇ ଚର୍ଚ୍ଚା ହେଉଛି । ଔରେୟା ଜିଲାରେ ସରକାରଙ୍କ ସାମୂହିକ ବିବହା ଯୋଜନାରେ ୫୫ କନ୍ୟାଙ୍କ ବିବାହ କରାଯାଇଥିଲା । ଯୋଜନାରେ ସବୁ କନ୍ୟାଙ୍କୁ ରୂପା ବଦଳରେ ନକଲି ଗହଣା ଦେଇଥିଲେ। ପରେ ସବୁ ଗହଣା ଲୁହାରେ ନିର୍ମିତ ବୋଲି ଜଣାପଡିଥିଲା। ମଙ୍ଗଳବାର ୨୫ ନବବିବାହିତା ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚି ହଙ୍ଗାମା କରିବାରୁ ଘଟଣା ପଦାକୁ ଆସିଛି। ଜଣେ ନବବିବାହିତାଙ୍କ ଅଭିଯୋଗ ଅନୁସାରେ ସାମୂହିକ ବିବାହ ଯୋଜନାରେ ପ୍ରତ୍ୟେକ କନ୍ୟାଙ୍କୁ ୩୫ ହଜାର ଲେଖାଏଁ ଟଙ୍କା ମିଳିଥାଏ । ମାତ୍ର ବ୍ୟବସ୍ଥା ନାମରେ ସବୁ କନ୍ୟାଙ୍କ ୧୫ ହଜାର ଲେଖାଏଁ ଟଙ୍କା କାଟି ନିଆଯାଇଛି । ଏହା ପରେ ବି ସେମାନଙ୍କ ନକଲି ଗହଣା ଦିଆଯାଇଛି । ଜିଲାପାଳ ଘଟଣାର ତଦନ୍ତ ନିର୍ଦେଶ ଦେଇଛନ୍ତି ।
Popular Categories
Previous article
Next article