ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ କରାପଲ୍ଲୀ ଠାରେ ମଙ୍ଗଳବାର ଦିନ ଜମିଜମା ମାମଲା ନେଇ ଜଣେ ସେନା କର୍ମଚାରୀଙ୍କୁ ଗୋଟିଏ ପରିବାରର ୪ ସଦସ୍ୟଙ୍କ ସଂଘବଦ୍ଧ ଆକ୍ରମଣ ନେଇ ଥାନାରେ ମାମଲା ରୁଜୁ କରାଯାଇଛି । ଆକ୍ରମଣରେ ଆହାତ ହୋଇଥିବା ସେନା କର୍ମଚାରୀ ଜଣଙ୍କ ଲାୟନସ ଅନିଲ କୁମାର ସାହୁ ବୋଲି ପୁଲିସ ସୂଚନା ଦେଇଛି । ଅଭିଯୋଗ ଅନୁଯାୟୀ ସେନା କର୍ମଚାରୀ ଅନିଲଙ୍କ ପରିବାର କରାପଲ୍ଲୀରେ ରହୁଥିଲେ ବେଳେ ତାଙ୍କର ପୋଡଶୀ ଆପନ୍ନା ସାହୁଙ୍କ ପକ୍ଷରୁ ଅନିଲଙ୍କ ଜମିକୁ ବେଆଇନ ଭାବେ ମାଡିବସି ରହିଥିବା ନେଇ ଗତ ୧୦ ବର୍ଷ ହେଲା ବିବାଦ ଲାଗି ରହିଥିଲ । ଏହି ଘଟଣା ନେଇ ଅନେକ ଥର ପୁଲିସ , ରାଜସ୍ବ ବିଭାଗ ପକ୍ଷରୁ ସମାଧାନ ନିମନ୍ତେ ଚେଷ୍ଟା କରାଯାଇଥିଲେ ସୁଦ୍ଧା ଆପନ୍ନାଙ୍କ ପକ୍ଷରୁ ଏହାକୁ ଗ୍ରହଣ କରାଯାଉନଥିବା ଅନିଲଙ୍କ ପକ୍ଷରୁ ଅଭିଯୋଗ କରାଯାଇଛି। ଏହି କ୍ରମରେ ମଙ୍ଗଳବାର ଦିନ ପୂର୍ବରୁ ସ୍ଥିର କରାଯାଇଥିବା ଘଟଣା କ୍ରମରେ କନିଷି ତହସିଲ କାର୍ଯ୍ୟାଳୟର ସରଭେୟର ଦେବୀପ୍ରସାଦ ସାହୁ ଓ ଗୋପାଳପୁର ଥାନାର କର୍ମଚାରୀ ମାନେ ପହଞ୍ଚି ଜମିର ମାପଚୁପ କରିଥିଲେ। ଏଥିରେ ଆପନ୍ନାଙ୍କ ପକ୍ଷରୁ ଅନିଲଙ୍କ ଜମିକୁ ବେଆଇନ ଭାବେ ମାଡିବସିଥିବା ସୂଚନା ଦିଆଯାଇଥିଲା । ଏହା ପରେ ପୁଲିସ ଓ ରାଜସ୍ବ ବିଭାଗର କର୍ମଚାରୀ ଘଟଣା ସ୍ଥଳରୁ ଯିବା ପରେ ଅଚାନକ ଆପନ୍ନା ଓ ତାଙ୍କ ପୁଅ ଦାମୋଦର, ତାଙ୍କ ସ୍ତ୍ରୀ ଓ ବଡ଼ଝିଅ ପ୍ରମୁଖ ଅନିଲଙ୍କୁ ଗାଳିଗୁଲଜ କରିବା ସହ ଏକ ଧାରୁଆ ଅସ୍ତ୍ରରେ ମୁଣ୍ଡକୁ ଆକ୍ରମଣ କରିଥିଲେ । ଏଥିରେ ଅନିଲଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। ଘଟଣା ନେଇ ଅନିଲଙ୍କ ପକ୍ଷରୁ ଗୋପାଳପୁର ଥାନାରେ ଲିଖିତ ଅଭିଯୋଗ କରାଯାଇଥିଲା। ଅଭିଯୋଗ କୁ ଭିତ୍ତି କରି ପୁଲିସ ପକ୍ଷରୁ ଏକ ମାମଲା ରୁଜୁ କରାଯିବା ସହ ତଦନ୍ତ ଜାରି ରହିଥିବା ଆଇଆଇସି ଶ୍ରୀକାନ୍ତ ଖମାରୀ ସୂଚନା ଦେଇଛନ୍ତି ।
Popular Categories
Previous article
Next article