ଗୋପାଳପୁର : ଗୋଟିଏ ପଟେ ଗୋପାଳପୁର ପୁଲିସର ବିଗତ ଦିନରେ ହୋଇଥିବା ଚୋରି ନେଇ ତଦନ୍ତ କରୁଥିବା ବେଳେ ଚୋରମାନେ ପୁଲିସକୁ ଖୋଲାଖୋଲି ଚ୍ୟାଲେଞ୍ଜ ଦେଇ ଗୋଟିଏ ପରେ ଗୋଟିଏ ସିରିଜ୍ ଚୋରି କରି ଚାଲିଛନ୍ତି। ଏହି କ୍ରମରେ ଶୀତଳାପଲ୍ଲୀର ଏସ.ଜଗା ରେଡ୍ଡୀ ଶନିବାର ସକାଳେ ମାମଲା ପକାଇ ଯାଇଥିବା ବେଳେ ଘରୁ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ଏସ.ଜଗା ରେଡ୍ଡୀ ଶନିବାର ସକାଳ ସମୟରେ କାମ ପାଇଁ ଚାଲିଯାଇଯିବା ପରେ ପତ୍ନୀ ଘରେ ତାଲା ପକେଇ ପୋଖରୀକୁ ଗାଧୋଇବାକୁ ଯାଇଥିଲେ। ପୋଖରୀରେ ଗାଧୋଇ ସାରି ଫେରିବା ପରେ ପଡ଼ିଶା ଘର ଜଣେ ମହିଳା ତମ ଘରେ ଜଣେ ଅଜଣା ମହିଳା ଭିତରୁ ବାହାରିଲା ବୋଲି କହିଥିଲେ।
ପଡ଼ିଶା ଘର ମହିଳା ଅଜଣା ମହିଳାକୁ ପଚାରିବାରୁ ପାଣି ପିଇବାକୁ ଯାଇଥିଲି ଏବଂ ମହୁ ବିକ୍ରୀ କରୁଥିବା କହିଥିଲା। ପରେ ଜଗାଙ୍କ ପତ୍ନୀ ଘର ଭିତରକୁ ଯାଇ ଦେଖିବା ବେଳକୁ ଆଲମାରୀରେ ଥିବା ୨୦ ହଜାର ଟଙ୍କା, ରୂପା ପାଉଁଜି, ରୂପା ଖଡୁ, ପ୍ରାୟ ୧୦ ରୁ ୧୨ ତୋଳା ଓ ୫ ଗ୍ରାମର ସୁନା ମଙ୍ଗଳସୂତ୍ର, କାନ ଫୁଲ ୨ ହଳ, ମୁଦି ୨ ଗୋଟି ଚୋରି ହୋଇଥିବା ଜାଣି ପାରି ଉକ୍ତ ଅଜଣା ମହିଳାକୁ ଖୋଜା ଖୋଜି କରିଥିଲେ । କିନ୍ତୁ ଉକ୍ତ ମହିଳାକୁ ନଦେଖିବା ପରେ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ ।
ଅଭିଯୋଗ ପ୍ରକାରେ ପୁଲିସ କେସ ନମ୍ବର ୧୩୯/୨୫ ମାମଲା ରୁଜୁ କରି ତଦନ୍ତ କରୁଥିବା ପୁଲିସ କହିଛି। ସେହିପରି ମାଣ୍ଡିଆପଲ୍ଲୀ ବିଜୟ ବିହାର ୪ ର୍ଥ ନୁମ୍ବର ଗଳିରେ ରହୁଥିବା ଶିବ ଶଙ୍କର ସାହୁଙ୍କ ଘରୁ ସୁନା ଅଳଙ୍କାର ୧୦ ଗ୍ରାମ,ରୂପା ୨୫ ଗ୍ରାମ ଓ ନଗଦ ୩୦ ହଜାର ଟଙ୍କା ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ଅଭିଯୋଗ ପ୍ରକାରେ ପୁଲିସ କେସ ନମ୍ବର ୧୪୦/୨୫ ମାମଲା ରୁଜୁ କରି ତଦନ୍ତ କରୁଥିବା ପୁଲିସ କହିଛି।
Comments are closed.