କଳାପଥର(ବାଙ୍କୀ) : ଗତ ମାସ ୨୫ ତାରିଖରେ ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା କଟକ ଜିଲା ବାଙ୍କୀ ବୈଦ୍ୟେଶ୍ଵର ଥାନା ଅଂଚଳରେ। ଗୋପୀନାଥପୁର -ବୈଦ୍ୟେଶ୍ୱର ଟି ସେତୁ ସଂଯୋଗ ରାସ୍ତାରେ ତ୍ରିକୂଟଧାମ ରାମନାଥ ଦେବ ଙ୍କ ପୀଠକୁ ତିଗିରିଆ ଥାନା ବିନ୍ଧାଣିମା ଗାଁର ବର, ରଙ୍ଗଣୀସାହୀ ବୈଦ୍ୟେଶ୍ୱରର କନ୍ୟାକୁ ବିବାହ ପାଇଁ ବରଯାତ୍ରୀଙ୍କ ସହିତ ଆସିଥିଲେ।
ବିବାହ କାର୍ଯ୍ୟ ସାରି ବର କନ୍ୟାକୁ ନେଇ ନିଜ ଗାଁ ବିନ୍ଧାଣିମା ଚାଲି ଯାଇଥିଲେ। କିଛି ବରଯାତ୍ରୀ ଅପରାହ୍ନରେ ଫେରିବା ବେଳେ ବ୍ୟାଙ୍କ ଛକରୁ ବୈଦ୍ୟେଶ୍ୱର ଟି ସେତୁ ସଂଯୋଗ ରାସ୍ତାରେ ସୁମନ୍ତ ଦାସଙ୍କ ଗାଡି ସହ ଧକ୍କା ହୋଇଥିଳା। ସେଠାରେ କିଛି ବଚଷା ସୃଷ୍ଟି ହୋଇ ହଣାକଟାର ରୂପ ନେଇଥିଲା।ବରଯାତ୍ରୀମାନେ ଗାଁ ରେ ଖଣ୍ଡା ବୁଲାଇ ଆକ୍ରମଣ କରିଥିବା ଦେଖାଯାଇଥିଲା।
ଏ ସଂକ୍ରାନ୍ତରେ ବୈଦେଶ୍ଵର ପୁଲିସ ପକ୍ଷରୁ କେଶ ନମ୍ବର ୭୪/୨୫ ରେ ମାମଲା ରୁଜୁ କରି ସମ୍ପୃକ୍ତ ୨ ଜଣ ଅଭିଯୁକ୍ତକୁ ପୂର୍ବରୁ ଗିରଫ କରି କୋର୍ଟ ଚାଲାଣ କରିଥିଲା। ଆଜି ମୁଖ୍ୟ ଅଭିଯୁକ୍ତକୁ ଗିରଫ ପରେକୋର୍ଟ ଚାଲାଣ କରିଥିବା ଆଇଆଇସି ସଞ୍ଜୟ କୁମାର ଜେନା ସୂଚନା ଦେଇଛନ୍ତି।ଏମାନଙ୍କ ଘର ତିଗିରିଆ ଥାନା ବିନ୍ଧାଣିମା ଗାଁର ସନ୍ତୋଷ କୁମାର ବେହେରା, ଦିବ୍ୟ ରଞ୍ଜନ ଚିନାରା ସହିତ ମୁଖ୍ୟ ଅଭିଯୁକ୍ତ ମାନୁ ଆଲିଆନ୍ସ ମାନସ ବେହେରାଙ୍କୁ ବିନ୍ଧାଣିମା ଗାଁଘରୁ ପୁଲିସ ଗିରଫ କରିଛି ବୋଲି ସୂଚନା ଦେଇଛି।
