ଗୋପାଳପୁର: ଗୋପାଳପୁର ଏକ ଆନ୍ତର୍ଜାତିକ ପର୍ଯ୍ୟଟନ ସ୍ଥଳ ଭାବେ ପରିଚିତି ରହିଥୂବା ବେଳେ ଏଠାକାର ରାସ୍ତା କଦର୍ଯ୍ୟ ଅବସ୍ଥାକୁ ଚାଲି ଆସିବା ସହ ଖାଲଖମା ହୋଇଯାଇଥିଲେ ସୁଦ୍ଧା ଦାୟିତ୍ଵ ରେ ଥିବା ପୂର୍ତ୍ତ ବିଭାଗ ଏଥିପ୍ରତି ନଜର ନଦେବା ନେଇ ସାଧାରଣରେ ଅସନ୍ତୋଷ ଦେଖାଦେଇଛି। ୨୦୧୮ -୧୯ ରେ ରାଜ୍ୟ ଯୋଜନା ପାଣ୍ଠିରୁ ୬ କୋଟି ୧୩ ଲକ୍ଷ ୧୩ ହଜାର ୪୧୫ ଟଙ୍କା ରେ ପୂର୍ତ୍ତ ବିଭାଗ ପକ୍ଷରୁ କରାପଲ୍ଲୀ ଛକରୁ ଗୋପାଳପୁର ପର୍ଯ୍ୟନ୍ତ ରାସ୍ତା ପ୍ରଶସ୍ତିକରଣ ସହ ମରାମତି କରା ଯାଇଥିଲା। ଏହା ମଧ୍ୟରେ ଗତ ମାର୍ଚ୍ଚ ମାସରେ ପୁଣିଥରେ ଲକ୍ଷାଧିକ ଟଙ୍କା ବିନିଯୋଗରେ ଏହି ରାସ୍ତାର ମରାମତି କରା ଯାଇଥିବା ବେଳେ ଗୋପାଳପୁର ସହରର ରାସ୍ତା କାମ କିନ୍ତୁ କରା ଗଲା ନାହିଁଁ।ଯାହା ଫଳରେ ଗୋପାଳପୁର ଟାଉନ ମଧ୍ୟ ଦେଇ ଯାଇଥିବା ରାସ୍ତା କଦର୍ଯ୍ୟ ଅବସ୍ଥା କୁ ଚାଲି ଆସିଛି।
ଏହା ସହ ଗତ ୨୦୨୨ରେ ଗୋପାଳପୁର ରେ ପାନୀୟ ଜଳ ଯୋଗାଣ ନିମନ୍ତେ ରାସ୍ତା ଖୋଳି ଦିଆଯାଇଥିଲା , କିନ୍ତୁ ଜନସ୍ବାସ୍ଥ୍ୟ ବିଭାଗ ପକ୍ଷରୁ ଠିକା କାମ ନେଇଥିବା ଠିକାଦାର ପକ୍ଷରୁ ମଧ୍ୟ ଖୋଳା ଯାଇଥିବା ରାସ୍ତା ଗୁଡିକର ସଠିକ ମରାମତି କରା ଗଲା ନାହିଁଁ ଯଦ୍ୱାରା ରାସ୍ତା ଗୁଡ଼ିକ ଖରାପ ହୋଇ ଯାଇଛି। ଏହା ନେଇ ଏନ ଏ ସି ଅଧ୍ୟକ୍ଷ ଏ ଜାନକୀ ରାମଙ୍କ ପକ୍ଷରୁ ପୂର୍ତ୍ତ ବିଭାଗ ଅଧିକାରୀ ଙ୍କୁ ଅଭିଯୋଗ କରିବା ସହ ଖରାପ ରାସ୍ତାର ମରାମତି କରିବାକୁ ଲିଖିତ ଅଭିଯୋଗ କରିଥିଲେ, କିନ୍ତୁ ବିଭାଗ ପକ୍ଷରୁ ଦୃଷ୍ଟି ଦିଆ ଗଲା ନାହିଁଁ ବୋଲି ମତପୋଷଣ କରିଛନ୍ତି। ଏଣୁ ପୂର୍ତ୍ତ ବିଭାଗ ପକ୍ଷରୁ ତୁରନ୍ତ କଦର୍ଯ୍ୟ ଅବସ୍ଥା କୁ ଚାଲି ଆସିଥିବା ରାସ୍ତା କୁ ମରାମତି କରିବାକୁ ସାଧାରଣ ରେ ଦାବି ହେଉଛି।
