ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ଆଲ୍ଲୀପୁର ଛକ ନିକଟରେ ଆଜି ଏକ ଅଟୋ ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଦୁଇ ଜଣ ଗୁରୁତର ଆହତ ହୋଇଥିବା ଜଣାପଡିଛି। ଆଜି ମନସୁରକୋଟା ଗ୍ରାମର ୪ଜଣ ମହିଳା ଆଲ୍ଲୀପୁର ଗ୍ରାମର ଗୋପାଳ ରେଡିଙ୍କ ଅଟୋ ଯୋଗେ କରାପଲ୍ଲୀରୁ ନିଜ ଗ୍ରାମକୁ ଫେରୁଥିଲେ।
ଏହି ସମୟରେ ପଛରୁ ଆସୁଥିବା ଏକ ବାଇକ ଅଟୋକୁ ଧକ୍କା ଦେଇଥିଲା। ଫଳରେ ବାଇକ ଚାଳକ ଗୁରୁତର ହେବା ସହ ଅଟୋଟି ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ଗଛକୁ ପିଟି ହୋଇଯାଇଥିଲା। ତେଣୁ ଅଟୋରେ ବସିଥିବା ୪ଜଣ ମହିଳାଙ୍କ ମଧ୍ୟରୁ ଜଣେ ଗୁରୁତର ହୋଇଥିବା ସୂଚନା ମିଳିଛି। ଖବର ପାଇ ଗୋପାଳପୁର ପୁଲିସ ଘଟଣା ସ୍ଥଳରେ ପହଞ୍ଚି ବାଇକୁ ଜବତ କରିଛି। ଆହାତମାନଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ପଠାଇ ଦିଆଯାଇଥିବାରୁ ସେମାନଙ୍କ ସଠିକ ପରିଚୟ ମଧ୍ୟ ଜଣାପଡିନାହିଁ।
