ଗୋପାଳପୁର: ଗୋପାଳପୁର ବେଳାଭୂମି ପ୍ରବେଶ ନେଇ ଜିଲ୍ଲା ପ୍ରଶାସନ ପକ୍ଷରୁ ୨ ଦିନ ପର୍ଯ୍ୟଟକଙ୍କୁ ବାରଣ ସତ୍ତ୍ୱେ ଆଜି ଅପରାହ୍ନରେ ଏଠାରେ ପର୍ଯ୍ୟଟକଙ୍କ ଗହଳି ଥିବା ଦେଖିବାକୁ ମିଳିଛି। ସ୍ଥାନୀୟ ପୁଲିସ ଗୋପାଳପୁର କଲେଜ୍ ଛକ ଠାରେ ବ୍ଲକିଂ କରୁଥିଲେ ମଧ୍ୟ ଅମାନିଆ ଲୋକେ ଅନ୍ୟ ବାଟ ଦେଇ ବେଳାଭୂମିରେ ଆସୁଥିବା ପରିଲିକ୍ଷିତ ହୋଇଛି। ବେଳାଭୂମିରେ ନିୟୋଜିତ ପୁଲିସ୍ ପକ୍ଷରୁ ପର୍ଯ୍ୟଟକଙ୍କୁ ବେଳାଭୂମିକୁ ଯିବାକୁ ବାରଣ କରିଥିଲେ ମଧ୍ୟ ଅମାନିଆ ପର୍ଯ୍ୟଟକ ବେଖାତିର ଭାବେ ବୁଲୁଥିବା ଜଣାପଡିଛି। ସମ୍ଭାବ୍ୟ ଅସାନି ବାତ୍ୟାକୁ ନଜରରେ ରଖି ସମୁଦ୍ର ଅଶାନ୍ତ ରହିବା ଆଶଙ୍କାରେ ଜିଲ୍ଲା ପ୍ରଶାସନ ପକ୍ଷରୁ ବେଳାଭୂମିକୁ ପର୍ଯ୍ୟଟକଙ୍କୁ ବାରଣ କରିଛନ୍ତି। ୧୦ ଓ ୧୧ ତାରିଖ ଦୁଇଦିନ ବନ୍ଦ ପାଇଁ ଜିଲ୍ଲା ପ୍ରଶାସନ ପକ୍ଷରୁ ନିଷ୍ପତି ନିଆଯାଇଥିଲା। ଲୋକଙ୍କ ସଚେତନତାର ଅଭାବ ଯୋଗୁଁ ଏପରି ପରିସ୍ଥିତି ପରିଲିକ୍ଷିତ ହୋଥିବା ଆଲୋଚନା ହେଉଛି। ଯଦି କୌଣସି ଅଘଟଣ ଘଟେ ସେଥିପାଇଁ ଦାୟୀ କିଏ ବୋଲି ସାଧାରଣରେ ଆଲୋଚନା ହେଉଛି।
Popular Categories
Previous article
Next article