ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ସୁରଳ ଜଙ୍କସନ ଠାରୁ ଏକ ଡାଲା ଅଟୋ ଚୋରୀ ଅଭିଯୋଗରେ ଜଣେ ଯୁବକକୁ ପୁଲିସ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଜଣଙ୍କ ହେମନ୍ତ, ବୟସ -୨୦ ହୋଇଥିବା ବେଳେ ଘର ଆନ୍ଧ୍ରପ୍ରଦେଶ ଅନ୍ତର୍ଗତ କାବିଟି ଅଞ୍ଚଳର ବୋଲି ପୁଲିସ ସୂଚନା ଦେଇଛି। ସୁରଳ ଜଙ୍କସନର ପି . ଶେଖର ରାଓଙ୍କ ରିପୋର୍ଟ ଅନୁଯାୟୀ ତାଙ୍କ ଡାଲା ଅଟୋକୁ ତାଙ୍କ ଘର ଆଗରେ ପାର୍କିଂ କରିଥିବା ବେଳେ ୮ ତାରିଖ ରାତିରେ ଅଟୋଟି ଚୋରି ହୋଇଯାଇଥିଲା। ଅଭିଯୋଗକୁ ଭିତ୍ତି କରି ପୁଲିସ ଏକ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଥିଲା। ଅନୁସନ୍ଧାନ ବେଳେ ହେମନ୍ତକୁ ସନ୍ଦେହରେ ଆଣି ପଚରାଉଚରା ବେଳେ ସେ ଏହି ଅପରାଧ କରିଥିବା ସ୍ୱୀକାର କରିଥିଲେ ଏବଂ ଚୋରି ହୋଇଥିବା ଅଟୋକୁ ଉଦ୍ଧାର କରାଯାଇଥିଲା। ଆଜି ଅଭିଯୁକ୍ତ ହେମନ୍ତକୁ କୋର୍ଟ ଚାଲାଣ କରାଯାଇଥିବା ବେଳେ ଜାମିନ ନାମଞ୍ଜୁର ହେବାରୁ ତାକୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।
Popular Categories
Previous article
Next article