ଗୋପାଳପୁର: ପାଲୁର ହିଲ ପରିସରରେ ଥିବା ନିଷ୍ଟ ସ୍ଵୟଂଶାସିତ ବୈଷୟିକ ଶିକ୍ଷା ଅନୁଷ୍ଠାନ ପକ୍ଷରୁ ଏମବିଏ, ଏମସିଏ, ଏମଟେକ ଏବଂ ବିଟେକ ଏଲଇ ବିଦ୍ୟାର୍ଥୀଙ୍କ ମଧ୍ୟରେ ନୂତନ ପ୍ରତିଭା ଅନ୍ବେଷଣ ନେଇ ଏକ ଆଭିମୁଖ୍ୟ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ଡ଼ ଶିବାନୀ ଗୁରୁ ଅଧକ୍ଷତା କରିବା ସହ ସଭା ପରିଚାଳନା କରିଥିବା ବେଳେ ନିଷ୍ଟ ପ୍ରତିଷ୍ଠାତା ଅଧ୍ୟକ୍ଷ ଡ଼ ସୁକାନ୍ତ କିଶୋର ମହାପାତ୍ର , ଅଧ୍ୟକ୍ଷ ଡ଼ ପ୍ରିୟଦର୍ଶୀ ତ୍ରିପାଠୀ ପରିଚିତ କରାଇ ପରବର୍ତ୍ତୀ ପ୍ରକ୍ରିୟାକୁ ସଂଯୋଜନା କରିଥିଲେ। ଡ଼ ମହାପାତ୍ର ଏହି ଅବସରରେ ବିଦ୍ୟାର୍ଥୀମାନଙ୍କୁ ଅନୁଷ୍ଠାନର କାର୍ଯ୍ୟକାରିତା ବିଷୟରେ ସୂଚନା ଦେବା ସହ ବିଦ୍ୟାର୍ଥୀମାନଙ୍କ ସାମଗ୍ରିକ ବିକାଶ ଓ ବିଦ୍ୟାର୍ଥୀମାନଙ୍କ ମଧ୍ୟରେ ଉଦ୍ୟୋଗୀ ଗଠନ ତଥା ଉଚ୍ଚଶିକ୍ଷା ପାଇଁ ଉତ୍ସାହିତ କରିବା ପାଇଁ ସେ ଅନୁଷ୍ଠାନର ପଦକ୍ଷେପ ଉପରେ ଗୁରୁତ୍ୱାରୋପ କରିଥିଲେ। ଏହି କାର୍ଯକ୍ରମରେ ମହାବିଦ୍ୟାଳୟର ସମସ୍ତ ବିଦ୍ୟାର୍ଥୀ ଉପସ୍ଥିତ ରହିଥିବା ବେଳେ ସେମାନଙ୍କ ଅନୁଭୂତି ପ୍ରକାଶ କରିଥିଲେ। ଡ଼ ଆକାଂକ୍ଷା ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ।
Comments are closed.