ନୂଆଦିଲ୍ଲୀ : ଟେକ୍ କମ୍ପାନୀ ଗୁଗଲ ଅନଲାଇନ୍ ଟଙ୍କା ନେଣଦେଣ ପାଇଁ ବ୍ୟବହାର କରୁଥିବା ନିଜ ପୈଠ ଆପ୍ GPay ବନ୍ଦ କରିବାକୁ ଘୋଷଣା କରିଛି । ଗୁଗଲର ଏହି ପୈଠ ଆପ୍ ଆମେରିକାରେ ୪ ଜୁନ୍ ୨୦୨୪ରେ ବନ୍ଦ ହୋଇଯିବ । ୨୦୨୨ରେ ଆଣିଥିବା ଗୁଗଲ ଓ୍ବାଲେଟ ଆପକୁ ପ୍ରୋତ୍ସାହନ ଦେବା ପାଇଁ ଏମିତି ନିଷ୍ପତ୍ତି ନେଇଛି ଗୁଗଲ ।
ଗୁଗଲ ପେ ବନ୍ଦ ହେବା ନେଇ ଭାରତୀୟ ଉପଭୋକ୍ତା ଚିନ୍ତା କରିବା ଆବଶ୍ୟକର ନାହିଁ । କାରଣ ଏହା କେବଳ ଆମେରିକାରେ ବନ୍ଦ ହେବ । ୪ ଜୁନ୍ ପରଠୁ ଏହି ଆପ୍ କେବଳ ଭାରତ ଏବଂ ସିଙ୍ଗାପୁରରେ ହିଁ କାମ କରିବ । କମ୍ପାନୀର ସୂଚନା ଅନୁସାରେ ସମସ୍ତ ଉପଭୋକ୍ତାଙ୍କୁ ଗୁଗଲ ଓ୍ବାଲେଟକୁ ଟ୍ରାନ୍ସଫର କରିଦିଆଯିବ । ଆମେରିକାରେ ଗୁଗଲ ଓ୍ବାଲେଟର ବ୍ୟବହାର ଗୁଗଲ ପେଠୁ ୫ ଗୁଣା ଅଧିକ । ଗୁଗଲର କହିବାନୁସାରେ ସେ ଉପଭୋକ୍ତାଙ୍କୁ ସଠିକ୍ ସମୟରେ ଏହାର ଅପଡେଟ୍ ମଧ୍ୟ ଦେବ । ୟୁଜର୍ସ ନିଜ ଗୁଗଲ ପେ ବାଲାନ୍ସକୁ ନିଜ ଆକାଉଣ୍ଟରେ ୪ ଜୁନ୍ ୨୦୨୪ ପରେ ମଧ୍ୟ ସ୍ଥାନାନ୍ତର କରିପାରିବେ ।
Comments are closed.