ନୂଆଦିଲ୍ଲୀ : ସର୍ରୋଫା ବଜାରରେ ସୁନା ଦାମ୍ ୧୪୦ ଟଙ୍କା ବୃଦ୍ଧି ପାଇ ୮୮,୧୦୦ ଟଙ୍କା ପ୍ରତି ୧୦ ଗ୍ରାମ ହୋଇଯାଇଛି ଯାହା କି ଏପର୍ଯ୍ୟନ୍ତର ସର୍ବୋଚ୍ଚ ଦାମ୍ ଭାବେ ରେକର୍ଡ କରିଛି । ପୂର୍ବରୁ ୯୯.୯ ପ୍ରତିଶତ ଶୁଦ୍ଧ ସୁନା ୮୭,୯୬୦ ଟଙ୍କା ପ୍ରତି ୧୦ ଗ୍ରାମରେ ବନ୍ଦ ହୋଇଥିଲା । ୯୯.୫ ପ୍ରତିଶତ ଶୁଦ୍ଧ ସୁନା ମଧ୍ୟ ୧୪୦ ଟଙ୍କା ବୃଦ୍ଧି ପାଇ ୮୭,୭୦୦ ଟଙ୍କା ପ୍ରତି ୧୦ ଗ୍ରାମ ହୋଇଯାଇଛି ଯାହା ପୂର୍ବ ବାଣିଜ୍ୟିକ ଦିନରେ ୮୭,୫୬୦ ଟଙ୍କା ପ୍ରତି ୧୦ ଗ୍ରାମ ଥିଲା । ରୂପା ଦାମ୍ ମଧ୍ୟ ୮୦୦ ଟଙ୍କା ବୃଦ୍ଧି ପାଇ ୯୮ ହଜାର ଟଙ୍କା ପ୍ରତି କିଲୋ ହୋଇଯାଇଛି । ପୂର୍ବରୁ ଏହା ୯୭,୨୦୦ ଟଙ୍କା ପ୍ରତି କିଲୋଗ୍ରାମ ଥିଲା । ଅର୍ଥାତ୍ ରୂପା ଦାମ୍ ପ୍ରାୟ ୧ ଲକ୍ଷ ଟଙ୍କା ପାଖାପାଖି ଛୁଇଁଛି ।
ଭୁବନେଶ୍ବରରେ ୨୨ କ୍ୟାରେଟ୍ ସୁନା ଦାମ୍ ଆଜି ୪୦୦ଟଙ୍କା ବୃଦ୍ଧି ପାଇ ୮୧,୫୫୦ ଟଙ୍କା ପ୍ରତି ୧୦ ଗ୍ରାମ ରହିଛି । କୋଲକାତାରେ ୨୨ କ୍ୟାରେଟ୍ ସୁନା ଦାମ୍ ୮୦,୫୦୯ ଟଙ୍କା ଥିବାବେଳେ ୨୪ କ୍ୟାରେଟ୍ ସୁନା ଦାମ୍ ୮୭,୮୯୨ ଟଙ୍କା ପ୍ରତି ୧୦ ଗ୍ରାମ ରହିଛି । ଦିଲ୍ଲୀରେ ୨୨ କ୍ୟାରେଟ୍ ସୁନା ଦାମ୍ ୮୦,୨୭୩ ଟଙ୍କା ଥିବାବେଳେ ୨୪ କ୍ୟାରେଟ୍ ସୁନା ଦାମ୍ ୮୭,୬୩୪ ଟଙ୍କା ପ୍ରତି ୧୦ ଗ୍ରାମ ରହିଛି । ସେହିଭଳି ଚେନ୍ନାଇରେ ୨୨ କ୍ୟାରେଟ ସୁନା ଦାମ୍ ୮୦,୯୦୧ ଟଙ୍କା ଥିବାବେଳେ ୨୪ କ୍ୟାରେଟ୍ ସୁନା ଦାମ୍ ୮୮,୩୨୦ ଟଙ୍କା ପ୍ରତି ୧୦ ଗ୍ରାମ ରହିଛି।
Comments are closed.