ଗୋପାଳପୁର:ଗୋଳନ୍ଥରା ଥାନା ଅଧିନସ୍ଥ ଟାମଣା ଛକ ନିକଟରେ ସ୍କୁଟି ସହିତ ମୋଟରସାଇକେଲ ମଧ୍ୟରେ ଧକ୍କା ହୋଇଥିଲା। ଫଳରେ ସ୍କୁଟି ଚାଳକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି । ମୃତକ ଜଣକ ହେଲେ କଙ୍କିଆ ଗ୍ରାମର ରାମ ଚନ୍ଦ୍ର ରାଉଳ (୭୧) ବୋଲି ସୂଚନା ମିଳିଛି।
ସୂଚନା ଅନୁସାରେ ଏହି ଥାନା ଅଧିନସ୍ଥ କଙ୍କିଆ ଗ୍ରାମ ରାମ ଚନ୍ଦ୍ର କୋଣସି କାମରେ ଟାମଣା ଛକକୁ ସକାଳେ ଯାଇଥିଲେ। କାର୍ଯ୍ୟ ସାରି ସ୍କୁଟି ରେଘରକୁ ଫେରୁଥିବା ବେଳେ ଟାମଣା ନିକଟରେ ଥିବା ପେଟ୍ରୋଲ ପମ୍ପ ଠାରେ ଏକ ମୋଟର ସାଇକେଲ ପଛପଟୁ ସ୍କୁଟିକୁ ଧକ୍କା ଦେଇଥିଲା। ଫଳରେ ରାମଚନ୍ଦ୍ର ରାସ୍ତା ଉପରେ କଚାଡି ହୋଇ ପଡିଯାଇଥିଲେ । ଦୁର୍ଘଟଣା ପରେ ପରିବାର ଲୋକ ରାମଚନ୍ଦ୍ରଙ୍କୁ ବ୍ରହ୍ମପୁର ବଡ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ନେଇ ମୃତକଙ୍କ ପୁଅ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ। ଥାନା କେଶ ନ ୧୯୧/୨୪ ରେ ଦୁର୍ଘଟଣା ମାମଲା ରୁଜୁ କରିଛି । ରାମଚନ୍ଦ୍ରଙ୍କ ମୃତଦେହକୁ ବ୍ୟବଛେଦ କରିବା ସହ ପରିବାର ଲୋକକୁ ହସ୍ତାନ୍ତର କରିଛି ପୁଲିସ। ବାଇକ ଓ ସ୍କୁଟିକୁ ପୁଲିସ ଜବତ କରି ତଦନ୍ତ ଆରମ୍ଭ କରିଛି।
