ଗଞ୍ଜାମ : ଗଞ୍ଜାମ ସହର ମଧ୍ୟାଖଣ୍ଡ ସାହି ସ୍ଥିତ ପ୍ରଜାପତି ବ୍ରହ୍ମକୁମାରୀ ଈଶ୍ବରୀୟ ବିଶ୍ବ ବିଦ୍ୟାଳୟ ଗଞ୍ଜାମ ଶାଖା ପକ୍ଷରୁ ଏକ ଶାନ୍ତି ଶୋଭାଯାତ୍ରା ପରିକ୍ରମା ରଥ ର ଶୁଭାରମ୍ଭ ହୋଇଯାଇଛି। ରାଜଯୋଗିନୀ କସ୍ତୁରୀ ଭଗ୍ନୀ ଙ୍କ ପ୍ରତ୍ୟେକ୍ଷ ତତ୍ୱାବଧାନ ରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଗଞ୍ଜାମ ଥାନା ଅଧିକାରୀ ସୁମିତ୍ରା ପାତ୍ର ଯୋଗଦେଇ ଏହି ଶୋଭାଯାତ୍ରା ର ଉଦଘାଟନ କରିଥିଲେ। ସମ୍ମାନିତ ଅତିଥିଭାବେ ଓଡିଶା ସାମ୍ବାଦିକ ସଙ୍ଘ ର ଗଞ୍ଜାମ ଜିଲ୍ଲା କାର୍ଯ୍ୟକାରୀ ସଭାପତି ଉମାକାନ୍ତ ବେହେରା ଯୋଗଦେଇ ଆଧ୍ୟାତ୍ମିକ ଭାବନା ହିଁ ସମାଜରେ ଶାନ୍ତି ର ବାତାବରଣ ସୃଷ୍ଟି କରିବାରେ ସାହାୟକ ହୋଇଥାଏ ବୋଲି ବକ୍ତବ୍ୟ ରଖିଥିଲେ।
ଉକ୍ତ ରଥ ଗଞ୍ଜାମ ସହରାଞ୍ଚଳ ସମେତ ବିଭିନ୍ନ ପଞ୍ଚାୟତ ର ଗ୍ରାମ ଗୁଡିକ ପରିକ୍ରମା କରିଥିଲା। ଆଗାମି ମହା ଶିବରାତ୍ର ପର୍ଯ୍ୟନ୍ତ ଏହି ରଥ ପରିକ୍ରମା କରି ଶିବ ସନ୍ଦେଶ ବାର୍ତ୍ତା ନେଇ ବିଶ୍ୱ ଶାନ୍ତି ପାଇଁ ଏହି ରଥ ପରିକ୍ରମା କରାଯାଉଥିବା ନେଇ ଅନୁଷ୍ଠାନ ପକ୍ଷରୁ କୁହାଯାଇଥିଲା। ଯମୁନା ଭଗ୍ନୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିବା ବେଳେ ପୂର୍ବତ୍ତନ ସରପଞ୍ଚ ଡି.ନିରଞ୍ଜନ ରେଡି କାଯ୍ୟକ୍ରମ ର ସଂଯୋଜନା କରିଥିଲେ। ଏହି କାର୍ଯ୍ୟକ୍ରମରେ ବରିଷ୍ଟ ନାଗରିକ ଯୁଧିଷ୍ଠିର ମହାପାତ୍ର, ଛବି, ଦମୟନ୍ତୀ, ବନିତା, ପୁଷ୍ପଲତା, ଲକ୍ଷ୍ମୀ ଆରତୀ, ମୋହନ, ନରସିଂହ ପ୍ରମୁଖ ଆଧ୍ୟାତ୍ମିକ ବ୍ୟକ୍ତିତ୍ୱ ଉପସ୍ଥିତ ରହିଥିଲେ।
Comments are closed.