ଗୋପାଳପୁର : ରଙ୍ଗେଇଲୁଣ୍ଡା ବ୍ଲକ ଅନ୍ତର୍ଗତ ଭାଲିଆଗଡ ଠାରେ ଯୁବକ ସଂଘ ପକ୍ଷରୁ ପ୍ରତିବର୍ଷ ପରି ଚଳିତ ବର୍ଷ ଗଣେଶ ପୂଜା ପାଳିତ ହେଉଥିବା ବେଳେ ପୂଜାରେ ୧୨୨ କେଜି ଓଜନର ଲଡୁ ଗଣେଶଙ୍କ ଠାରେ ଭୋଗ ଲାଗିଥିଲା। ଏହା ୮୨ ହଜାର ଟଙ୍କାରେ ନିଲାମ ହୋଇଛି । ଆଶିଷ ରାଉଳ,ଏମ ପିତାମ୍ବର,ଏମ ଡିଲେଶ, ଜାନକୀ ରାମ, ପିତାମ୍ବର ରାଉଳ,ଏସ ମିଟୁ ପ୍ରମୁଖ ଏହି ଲଡ଼ୁକୁ କିଣିବା ସହ ଗ୍ରାମରେ ସମସ୍ତଙ୍କୁ ବଣ୍ଟନ କରିଥିଲେ। ଗାଁର ଯୁବକ ସଂଘ ପକ୍ଷରୁ ପ୍ରତିବର୍ଷ ପୂଜା ପାଳିତ ହୋଇ ଆସୁଥିବା ବେଳେ ଗତ ୭ ବର୍ଷ ତଳେ ୧୫ କେଜି ଓଜନର ଲଡୁ ଭୋଗ ଲାଗିବା ଆରମ୍ଭ ହୋଇଥିଲା। ଚଳିତ ବର୍ଷ ଏହି ଲଡ଼ୁର ଓଜନକୁ ୧୨୨ କେଜିର କରାଯାଇଛି। ପରମ୍ପରା ଅନୁଯାୟୀ ମୂର୍ତ୍ତି ବିସର୍ଜନ ଦିନ ଲଡୁ ଟିକୁ ନିଲାମ କରାଯାଇ ଥିଲା। ନିଲାମର ମିଳିଥିବା ଅର୍ଥରାଶି ଆସନ୍ତା ବର୍ଷ ପୂଜାରେ ବିନିଯୋଗ କରାଯାଇ ଥାଏ ବୋଲି ଯୁବକ ସଂଘ ସଭାପତି ଆଶିଷ ରାଉଳ ସୂଚନା ଦେଇଛନ୍ତି ।
Popular Categories
Previous article
Next article