ହରଭଙ୍ଗା : ଆସନ୍ତା ଦୂର୍ଗା ପୂଜାକୁ ଶାନ୍ତି ଶୃଙ୍ଖଳା ସହ ପାଳନ ପାଇଁ ପୁରୁଣାକଟକ ଥାନା ପକ୍ଷରୁ ଅଞ୍ଚଳର ଦୁର୍ଗାପୂଜା କମିଟି ମେମ୍ବରଙ୍କୁ ନେଇ ଏକ ପ୍ରସୂତି ବୈଠକ ଗୁରୁବାର ପୁରୁଣା କଟକ ଥାନା ପରିସରରେ ଅନୁଷ୍ଠିତ ହୋଇଯାଇଛି । ଥାନା ଅଧିକାରୀ ରଞ୍ଜିତ କୁମାର ମୁନିଙ୍କ ଅଧ୍ୟକ୍ଷତା ରେ ଅନୁଷ୍ଠିତ ବୈଠକରେ ବିଭିନ୍ନ ପୂଜା କମିଟିର ସଭାପତି ସମ୍ପାଦକ ଏବଂ ପୁରୁଣା କଟକ ଥାନା ଅଞ୍ଚଳ ବିଭିନ୍ନ ପଞ୍ଚାୟତର ସରପଞ୍ଚ ଉପସ୍ଥିତ ଥିଲେ। ଆଗାମୀ ଦୂର୍ଗା ପୂଜାକୁ କିପରି ଶାନ୍ତି ଶୃଙ୍ଖଳା ସହ କରାଯିବ, କମିଟି ମେମ୍ବର ପୁଲିସକୁ ସହଯୋଗ କରିବେ, ଚୋରି ଡକାୟତି ପ୍ରତି ସତର୍କ ରହିବା ନେଇ ବୈଠକରେ ଆଲୋଚନା ହୋଇଥିଲା। ଏହି ବୈଠକରେ ସରପଞ୍ଚ ଅଶୋକ ସେଠୀ, ଅଜିତ ବାରିକ, ନିହାର ଘୋଷ, ଅଜିତ ପ୍ରଧାନ, ଶ୍ରୀବନ୍ତ ମେହେର, ସୁରେନ ପ୍ରଧାନ, ଦିଲ୍ଲୀପ ସାହୁଙ୍କ ସମେତ ବିଭିନ୍ନ ଗଣମାଧ୍ୟମର ପ୍ରତିନିଧି ଉପସ୍ଥିତ ଥିଲେ ।
Comments are closed.