ସାମୂହିକ ଅର୍ଥନୈତିକ ଅଭିବୃଦ୍ଧିରେ ଜି-୨୦ର ଭୂମିକା ଗୁରୁତ୍ୱପୂର୍ଣ୍ଣ – ନିର୍ମଳା ସୀତାରମଣ

ଡେସ୍କ: ସାମୂହିକ ଅର୍ଥନୈତିକ ଅଭିବୃଦ୍ଧି ପାଇଁ ଆନ୍ତର୍ଜାତିକ ନୀତିରେ ସମନ୍ୱୟ ଆଣିବା କ୍ଷେତ୍ରରେ ଜି-୨୦ ଏକ ଉପଯୁକ୍ତ ମଞ୍ଚ ଓ ଏହାର ଭୂମିକା ଗୁରୁତ୍ୱପୂର୍ଣ୍ଣ ବୋଲି ଅର୍ଥମନ୍ତ୍ରୀ ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି। ଜି-୨୦ ଅର୍ଥମନ୍ତ୍ରୀ ଓ କେନ୍ଦ୍ରୀୟ ବ୍ୟାଙ୍କ୍‍ ଗଭର୍ଣ୍ଣର୍‍ମାନଙ୍କ ବୈଠକରେ ଯୋଗଦେଇ ସେ ଏହା କହିଛନ୍ତି। ଏହି ବୈଠକରେ ଇଣ୍ଡୋନେସିଆ ଅଧ୍ୟକ୍ଷତା କରିଥିଲା। ଏହି ବୈଠକରେ ବିଶ୍ୱ ଅର୍ଥନୈତିକ ଭବିଷ୍ୟତ ଓ ଏହା ପଥରେ ଥିବା ପ୍ରତିବନ୍ଧକ, ଆନ୍ତର୍ଜାତିକ ଆର୍ଥିକ ଢାଞ୍ଚା ଏବଂ ବିଶ୍ୱ ସ୍ୱାସ୍ଥ୍ୟ ପରିସ୍ଥିତି ଆଲୋଚନାରେ ସ୍ଥାନ ପାଇଥିଲା।

ଏହି ଅବସରରେ ସୀତାରମଣ କହିଛନ୍ତି, ଦୀର୍ଘ ସମୟ ଧରି ମୁଦ୍ରାସ୍ଫୀତି, ଯୋଗାଣ ଶୃଙ୍ଖଳରେ ବାଧା, ଶକ୍ତି ବଜାରରେ ଅସ୍ଥିରତା ଓ ପୁଞ୍ଜିନିବେଶକାରୀମାନଙ୍କ ମନରେ ଭୟ ଯୋଗୁଁ ବିଶ୍ୱ ଅର୍ଥନୈତିକ ଅଭିବୃଦ୍ଧି ମନ୍ଥର ହୋଇଛି। ସେ ଅଧ୍ୟା ଆମେରିକାର ବାଣିଜ୍ୟ ମନ୍ତ୍ରୀ ଗିନା ରାଇମୋଣ୍ଡୋଙ୍କ ସହ କଥାବାର୍ତ୍ତା କରିଛନ୍ତି। କଥାବର୍ତ୍ତାରେ ଅର୍ଥନୈତିକ ସହଯୋଗ, ଦ୍ୱିପକ୍ଷୀୟ ସମ୍ପର୍କ ଓ ଆନ୍ତର୍ଜାତିକ ପ୍ରସଙ୍ଗ ସ୍ଥାନ ପାଇଥିଲା।

Comments are closed.