ନୀଳଗିରି : ନୀଳଗିରି ଅଞ୍ଚଳରେ ଜଣେ ଶତାୟୁ ସ୍ବାଧୀନତା ସଂଗ୍ରାମୀଙ୍କର ପରଲୋକ ହୋଇଛି। ସ୍ବାଧୀନତା ସଂଗ୍ରାମୀ ଜଣକ ହେଉଛନ୍ତି ନୀଳଗିରି ବ୍ଲକ ଅଧୀନ ବରହମପୁର ଅଞ୍ଚଳର ରାମଚନ୍ଦ୍ର ରଣା (୧୦୨)। ତାଙ୍କର ପରଲୋକ ପରେ ସେହି ଅଞ୍ଚଳରେ ଗଭୀର ଶୋକ ପ୍ରକାଶ ପାଇଛି। ସଂଗ୍ରାମୀ ଜଣକ ମୃତ୍ୟୁ ପର୍ଯ୍ୟନ୍ତ ନିଜେ ରୋଷେଇ କରି ଖାଉଥିଲେ। ଶରୀର ଦୁର୍ବଳ ଥିବା ସତ୍ତ୍ବେ ସେ ନିଜେ ସମସ୍ତ କାମ ସମ୍ଭାଳି ନେଉଥିଲେ। ଏହି ଶତାୟୁ ସଂଗ୍ରାମୀଙ୍କ ମୃତ୍ୟୁ ଖବର ପାଇବା ପରେ ତାଙ୍କ ମରଶରୀର ନିକଟରେ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ରହି ଅମର ଆତ୍ମାର ସଦଗତି ପାଇଁ ପ୍ରାର୍ଥନା କରିଥିଲେ।
