ପିପିଲି: ରୋଟାରୀ କ୍ଲବ ଅଫ୍ ଭୁବନେଶ୍ୱର ମିଡୋସ ପକ୍ଷରୁ ସ୍ଥାନୀୟ ଡାକ୍ତରଖାନା ଛକସ୍ଥିତ ଲାବିକ୍ସ୍ ଲ୍ୟାବଠାରେ ଶୁକ୍ରବାର ମାଗଣା ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ବରିଷ୍ଠ ସଦସ୍ୟ ଜେନାମଣୀ ଆଶିଷ ରଞ୍ଜନ ଜେନାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଏହି ଶିବିରକୁ ଅନୁଷ୍ଠାନର ସଭାପତି ସାନ୍ତନୁ ମହାପାତ୍ର, ସଦସ୍ୟ ସରୋଜ କୁମାର ରାଜ, ସ୍ଥାନୀୟ ଇନଫୋର୍ସ ଏକାଡେମୀର ନିର୍ଦ୍ଦେଶକ ସରୋଜ ସ୍ୱାଇଁ, କୋଚ୍ ଜ୍ୟୋତିପ୍ରକାଶ ସାହୁ, ସମାଜସେବୀ ସୁଦେଷ୍ଣା ମିଶ୍ର ପ୍ରମୁଖ ଉଦ୍ଘାଟନ କରିଥିଲେ। ଏଥିରେ ଯକୃତ, ବୃକକ, ହୃତ୍ପିଣ୍ଡ, ମଧୁମେହ ଆଦି ରୋଗର ମାଗଣା ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା। ସ୍ଥାନୀୟ ଅଞ୍ଚଳର ଶତାଧିକ ଯୁବକ, ଯୁୁବତୀ, ବୟସ୍କ ବ୍ୟକ୍ତିମାନେ ଏହି ଶିବିରରେ ସେମାନଙ୍କ ସ୍ୱାସ୍ଥ୍ୟ ପରୀକ୍ଷା କରିଥିଲେ। ଲାବିକ୍ସ୍ ଲ୍ୟାବର ଫାଉଣ୍ଡର ସତ୍ୟପ୍ରକାଶ ମହାପାତ୍ର ଏହି ଶିବିରକୁ ପରିଚାଳନା କରିଥିଲେ।
Comments are closed.