ରେଙ୍ଗାଲି : ରେଙ୍ଗାଲି ବ୍ଳକ ବମାଲୋଇ ପଞ୍ଚାୟତର ତିଳେଇମାଲ ଓରାମ ପଡ଼ା ଠାରେ ୩୨ ତମ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ତିଳେଇମାଲ ଓରାମପଡ଼ା ବଜରଙ୍ଗ କ୍ଲବ ପକ୍ଷରୁ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ୮ଟି ଦଳ ଅଂଶଗ୍ରହଣ କରିଥିଲେ । ଫାଇନାଲ୍ ମ୍ୟାଚରେ ସମ୍ବଲପୁର ଦଳ ରାଉରକେଲା ଦଳକୁ ହରାଇ ଚମ୍ପିଆନ୍ ଆଖ୍ୟା ଅର୍ଜନ କରିଛି । ବିଜେତା ସମ୍ବଲପୁର ଦଳକୁ ୫୦ ହଜାର ଟଙ୍କା ସହ ଚମ୍ପିଆନ ଟ୍ରଫି ଏବଂ ପରାଜିତ ରାଉରକେଲାକୁ ୩୦ ହଜାର ଟଙ୍କା ସହ ରନର୍ସ ଅପ୍ ଟ୍ରଫି ପ୍ରଦାନ କରାଯାଇଥିଲା। ଟ୍ରଫି ପ୍ରଦାନ ଉତ୍ସବରେ ରେଙ୍ଗାଲି ବ୍ଳକ ଅଧ୍ୟକ୍ଷ ସତ୍ୟନାରାୟଣ ଅଗ୍ରୱାଲ ମୁଖ୍ୟ ଅତିଥି ଭାବରେ ଯୋଗଦାନ କରିଥିବା ବେଳେ ବିଜେଡି ନେତା ଦେବେନ୍ଦ୍ର କିଶୋର ପତି, ମହେନ୍ଦ୍ର ଓରାମ, ରେଙ୍ଗାଲି ଜୋନ୍- ୧ ଜିଲ୍ଲା ପରିଷଦ ସଭ୍ୟା ଚୋଳଶ୍ରୀ ମହାନନ୍ଦ, ଲକ୍ଷ୍ମୀ ପ୍ରସାଦ ମହାପାତ୍ର, ଶେଷ ଦେଵ ପଧାନ, ଚିତ୍ତରଞ୍ଜନ ରାଉଳ, ମଞ୍ଜୁ ଓରାମ, ଅମର ତାଣ୍ଡିଆ, ତୁଲସୀଦାସ ଓରାମ ପ୍ରମୁଖ ଅତିଥି ଭାବରେ ଯୋଗଦାନ କରିଥିଲେ।
Comments are closed.