nua o banner

ପୁଲିସ ପକ୍ଷରୁ ଫ୍ଲାଗମାର୍ଚ୍ଚ

BSKY banner  750×100

କଲମପୁର : ମଇ ୧୩ରେ ଓଡ଼ିଶାର ପ୍ରଥମ ପର୍ଯ୍ୟାୟରେ କଳାହାଣ୍ଡି ଲୋକସଭା ନିର୍ବାଚନ ମଣ୍ଡଳୀରେ ଅନୁଷ୍ଠିତ ହେବ ସାଧାରଣ ନିର୍ବାଚନ ।  ଏନେଇ ପୁଲିସ  ଏବଂ ପ୍ରଶାସନ ପକ୍ଷରୁ ପୂର୍ବ ପ୍ରସ୍ତୁତି ଆରମ୍ଭ ହୋଇଛି । ଆଗାମୀ ନିର୍ବାଚନକୁ ଅବାଧ, ନିରପେକ୍ଷ ଓ ଶାନ୍ତିପୂର୍ଣ୍ଣ ଭାବରେ ସମ୍ପାଦନ କରାଯିବା ନେଇ ପ୍ରଶାସନ ପକ୍ଷରୁ ପ୍ରସ୍ତୁତି ଚାଲିଛି । ନିର୍ବାଚନ କମିଶନର, ଜିଲ୍ଲାପାଳ ଓ ଜିଲ୍ଲା ଆରକ୍ଷୀ ଅଧିକାରୀଙ୍କ ନିର୍ଦ୍ଦେଶ କ୍ରମେ ଲୋକଙ୍କ ମଧ୍ୟରେ ଅଧିକ ବିଶ୍ୱାସ ଓ ଭରସା ସୃଷ୍ଟି ସହ ସେମାନଙ୍କ ମଧ୍ୟରେ ସଚେତନତା ସୃଷ୍ଟି ପାଇଁ କଲମପୁର ପୋଲିସ ପକ୍ଷରୁ କଲମପୁର ସହରରେ ଫ୍ଲାଗମାର୍ଚ୍ଚ ଅନୁଷ୍ଠିତ ହୋଇଛି। ପୁଲିସ ଫ୍ଲାଗମାର୍ଚ୍ଚରେ କଲମପୁର ଥାନା ଅଧିକାରୀ ପ୍ରଦୀପ୍ତ କୁମାର କାନୁନଗୋ, ଏସ.ଆଇ ଡୋଳାମଣି ବିଶି, ଏ.ଏସ.ଆଇ ଶେଖର ଜେନା, କୁଟ୍ରୁ ଫାଣ୍ଡି ଅଧିକାରୀ ଶିବ ଶଙ୍କର ମହାନ୍ତିଙ୍କ ସମେତ ବି.ଏସ.ଏଫ୍ ଯବାନ ଉପସ୍ଥିତ ରହି କଲମପୁର ଥାନା କାର୍ଯ୍ୟାଳୟଠାରୁ ବାହାରି କଲମପୁର ସହର ସମେତ ବେଳପଡ଼ା ପର୍ଯ୍ୟନ୍ତ ପରିକ୍ରମା କରିଥିଲେ  । ଏହି ଅବସରରେ ଶାନ୍ତି ଶୃଙ୍ଖଳାର ସହ କୌଣସି ଲୋଭର ବଶବର୍ତ୍ତୀ ନହୋଇ ମତଦାନରେ ସାମିଲ ହେଇ ଗଣତନ୍ତ୍ରର ମହାନ୍ ପର୍ବକୁ ସଫଳ କରିବା ପାଇଁ ଲୋକଙ୍କୁ ସଚେତନ କରାଯାଇଥିଲା ।

Comments are closed.