ସମାଜ ଡିଜିଟାଲ ଡେସ୍କ: ଦିଲ୍ଲୀର କଡକଡଡୁମାସ୍ଥିତ କସ୍ମସ୍ ହସ୍ପିଟାଲରେ ଶନିବାର ଅଗ୍ନିକାଣ୍ଡ ଘଟିଛି। ଏଥିରେ ଡାକ୍ତରଖାନାର ଜଣେ କର୍ମଚାରୀଙ୍କ ମୃତ୍ୟୁ ଘଟିଛି। ହସ୍ପିଟାଲ ଧୂଆଁମୟ ହୋଇଯିବା ଫଳରେ ରୋଗୀଙ୍କ ଜୀବନ ପ୍ରତି ବିପଦ ସୃଷ୍ଟି ହୋଇଥିଲା। କିନ୍ତୁ ଅଗ୍ନିଶମ ବାହିନୀ ଠିକ୍ ସମୟରେ ପହଞ୍ଚି ଝରକା ଭାଙ୍ଗି ରୋଗୀମାନଙ୍କୁ ଉଦ୍ଧାର କରି ବାହାରକୁ ଆଣିବାରେ ସଫଳ ହେବାରୁ ବଡ଼ ଅଘଟଣ ଟଳିଯାଇଥିଲା। ଡାକ୍ତରଖାନାରେ ମହଜୁଦ କିଛି ଅମ୍ଳଜାନ ସିଲିଣ୍ଡର ନିଆଁ କବଳକୁ ଚାଲିଆସିଥିଲା। ମାତ୍ର ଅଗ୍ନିଶମ କର୍ମଚାରୀମାନେ ତ୍ଵରିତ ପଦକ୍ଷେପ ନେଇ ସିଲିଣ୍ଡରଗୁଡ଼ିକୁ ବାହାରକୁ ଆଣିବା ଫଳରେ ନିଆଁ ଅଧିକ ବ୍ୟାପି ନ ଥିଲା। ତେବେ ନିଆଁ ଲାଗିବାର ପ୍ରକୃତ କାରଣ ଜଣାପଡ଼ି ନାହିଁ।
ନିଆଁ ଲାଗିଯିବା ପରେ ଅମିତନାମକ ଜଣେ କର୍ମଚାରୀ ଭୟଭୀତ ହୋଇ ଡାକ୍ତରଖାନାର ବାଥରୁମରେ ନିଜକୁ ବନ୍ଦ କରିଦେଇଥିଲେ। ଯାହାଫଳରେ ଅରନିଃଶ୍ଵାସୀ ହୋଇ ତାଙ୍କର ମୃତ୍ୟୁ ଘଟିଥିଲା। ନିଆଁ ଲିଭା କାର୍ଯ୍ୟରେ ୮ଟି ଦମକଳ ଗାଡ଼ି ନିୟୋଜିତ ହୋଇଥିଲା।
