ବାସ୍ତୁ ଶାସ୍ତ୍ରରେ ବିଭିନ୍ନ ନିୟମ ବର୍ଣ୍ଣନା କରାଯାଇଛି । ଖାଦ୍ୟକୁ ନେଇ ମଧ୍ୟ କିଛି ନିୟମ ରହିଛି । କେତେକ ସମୟରେ ଖାଦ୍ୟରୁ କେଶ ବାହାରୁ ଥିବା ଦେଖାଯାଏ । କୋଚିତ୍ ଏଭଳି ହେବା ସାଧାରଣ କଥା । ମାତ୍ର ଖାଦ୍ୟରୁ ବାରମ୍ବାର କେଶ ବାହାରିବା ଏହା ଶୁଭ ସଙ୍କେତ ନୁହେଁ । ଏଭଳି ହେଲେ ସାବଧାନ ହେବା ଉଚିତ୍ । ଖାଦ୍ୟରେ କେଶ ବାହାରିବା ଜାତକରେ ରାହୁଙ୍କ ସ୍ଥିତି ସହ ଅନ୍ୟାନ୍ୟ କିଛି ସଙ୍କେତ ମଧ୍ୟ ଦେଇଥାଏ । ଜାଣନ୍ତୁ..
ଭୋଜନ ଆରମ୍ଭ କରିବା ସମୟରେ ଖାଦ୍ୟ ଥାଳିରୁ ବାରମ୍ବାର କେଶ ବାହାରିବା ଜାତକରେ ରାହୁଙ୍କ ସ୍ଥିତି ଦୁର୍ବଳ ଥିବା ଅର୍ଥାତ୍ ଭଲ ନଥିବା ସଙ୍କେତ ଦିଏ । ଫଳରେ ଧନହାନୀ ହୋଇଥାଏ । ଧନର ଅଭାବ ଲାଗି ରହିଥାଏ । ଚିନ୍ତା ଲାଗି ରହିଥାଏ ।
ଜ୍ୟୋତିଷ ଶାସ୍ତ୍ର ଅନୁସାରେ ଭୋଜନରୁ କେଶ ବାହାରିବା ପିତୃଦୋଷ ଥିବାର ମଧ୍ୟ ସଙ୍କେତ ଦେଇଥାଏ । ଫଳରେ ସ୍ୱାସ୍ଥ୍ୟ ଜନିତ ସମସ୍ୟା ଲାଗି ରହିଥାଏ । ପରିବାରରେ କଳହ ମଧ୍ୟ ଲାଗି ରହିଥାଏ ।
ରାହୁଙ୍କ ପ୍ରଭାବରୁ ରକ୍ଷା ପାଇବା ପାଇଁ ଭୋଜନରୁ କେଶ ବାହାରିଲେ ସେହି ଖାଦ୍ୟ ସେବନ ନକରି କୁକୁର ପଶୁପକ୍ଷୀଙ୍କୁ ଖାଇବାକୁ ଦିଅନ୍ତୁ ।
ପିତୃଦୋଷରୁ ମୁକ୍ତି ପାଇବା ପାଇଁ ଅମାବାସ୍ୟା ତିଥିରେ କ୍ଷୀରରେ କଳା ରାଶି ପକାଇ ଅଶ୍ୱତ୍ଥ ବୃକ୍ଷ ମୂଳରେ ଅର୍ପଣ କରନ୍ତୁ । ଏହାପରେ ଫୁଲ ଓ ଅଖଣ୍ଡ ଚାଉଳ ଅର୍ପଣ କରନ୍ତୁ । ଏହାଦ୍ୱାରା ପୂର୍ବପୁରୁଷ ଶାନ୍ତ ହୁଅନ୍ତି ।
ଦେଖନ୍ତୁ ଇରାନ ଉପରେ ଇସ୍ରାଏଲ ଆକ୍ରମଣର ଛାତିଥରା ଭିଡିଓ; ଫିଲ୍ମ ଦୃଶ୍ୟରୁ କମ୍ ନୁହେଁ..
ଦେଖନ୍ତୁ ଆଶ୍ଚର୍ଯ୍ୟଜନକ ଦୃଶ୍ୟ ; ଚାରା ଭାବି ନାଗସାପକୁ ଖାଉଥିଲା ମଇଁଷି, ତା’ପରେ..
