ମାଲକାନଗିରି : ୟୁରିଆ ପାଇଁ ଉତ୍ତେଜନା । ମାଲକାନଗିରି ଜିଲ୍ଲାରେ ଚାଷି ମାନେ ୟୁରିଆ ସାର ଠିକ୍ ଭାବେ ପାଉନଥିବା ବେଳେ ଧାନ ଫସଲ ନଷ୍ଟ ହେବାରେ ଲାଗିଛି । ଯାହାକୁ ବିରୋଧ କରି ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ମାଲକାନଗିରି ଜିଲ୍ଲାରେ ଚାଷୀମାନେ ଆନ୍ଦୋଳନକୁ ଓହ୍ଲାଇଛନ୍ତି। ସାରର ଅଭାବୀ ବିକ୍ରିକୁ ନେଇ ଶିଖପାଲି ଛକ ଠାରେ ୩୨୬ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି ଶହ ଶହ ଚାଷୀ । ରାସ୍ତା ରୋକ ହେବା ସହ ରାଜରାସ୍ତାରେ ଚାଷୀଙ୍କ ଆନ୍ଦୋଳନ ଚାଲିଥିବାରୁ ମାଲକାନଗିରି ଓ କାଲିମେଳା ମଧ୍ୟରେ ଯୋଗାଯୋଗ ବିଚ୍ଛିନ୍ନ ରହିଛି । ଶିଖପାଲିଠାରେ ଶତାଧିକ ଯାନ ବାହାନ ଅଟକି ରହିଛି । ପୁଲିସ ଓ ପ୍ରଶାସନିକ ଅଧିକାରୀମାନେ ଘଟଣା ସ୍ଥଳରେ ପହଞ୍ଚି ଆନ୍ଦୋଳନକାରୀଙ୍କୁ ବୁଝା ସୁଝା କରୁଛନ୍ତି । ହେଲେ ୟୁରିଆ ସାର ନମିଳିବା ପର୍ଯ୍ୟନ୍ତ ଚାଷୀଙ୍କ ଏହି ଆନ୍ଦୋଳନ ଜାରି ରହିବ ବୋଲି ନବ ନିର୍ମାଣ କୃଷକ ସଂଗଠନ ପକ୍ଷରୁ ଚେତାବନୀ ଦିଆଯାଇଛି ।
Popular Categories
Previous article
Next article